Accessibility links

чәршәмбе, 7 декабрь 2016, Казан вакыты 17:29

Ğiraqnıñ waqıtlı konstitutsiäsen imzalaw tantanası tağın kiçekterelde


Ğiraq İdarä Şurasınıñ berniçä şiği äğzası imzalawdan baş tartu säbäple Ğiraqnıñ waqıtlı konstitutsiäsen imzalaw tantanası kiçekterelde. Bu çara bügen ütärgä tieş ide. Ğiraqta İslam İnqilabı öçen Yuğarı Şura wäkile Xämit äl-Bayati İdarä Şurasınıñ 5 şiği äğzası, şul isäptän bezneñ partiä wäkile bu konstitusiäneñ qayber öleşlärenä qarşı çıqtı dide. Şura äğzası Mäxmüt Otman Şiğilar soñğı täğäyenläwçe öleşlärne qarıy dide. Kiçekterügä konstitutsiäneñ qaysı öleşläre säbäp buluın beräw dä äytmi. Waqıtlı konstitutsiä saylanğan parlament tarafınnan äzerlänäçäk daimi konstitutsiä qabul itelgänçe ğämäldä bulaçaq. Anda saylawlarnı bu yılnıñ 31-nçe ğinwarınnan soñğa qalmıy ütkärelergä tieşlege äytelä. Baştaraq bu dokumentnı imzalaw çärşämbegä bilgelängän ide, ämma sişämbe könne Bağdad häm Kerbaladağı şartlawlar näticäsendä kimendä 181 keşe hälak bulğannan soñ imzalaw tantanası kiçekterelde.

XS
SM
MD
LG