Başqortstanda ni öçender törek qardäşlärebezgä qanığa başladılar äle. Bıltır respublikanıñ dürt şähärendä Törkiäneñ «Särxät» şirkäte tarafınnan açılğan başqort – törek litseyların yabıp, anda eşläwçe törek möğällimnären tuğan illärenä qaytarıp cibärgännär ide. Törek qardäşlärebez ul çaqta üzläre oyıştırğan litseylarda dini täğlimatnı taratuda, balalarğa dini belemnär birü belän artıq mawığuda ğäyeplände.
İnde menä Başqortstanda yäşäp eşläwçe töreklärgä bäyle çirattağı cäncal. Başqortstannan tağın dürt törek watandaşın qualar. Döresräge alarnı Başqortstannan ğına tügel, ä Rusiädän dä çığarıp cibärälär. Başqortstan Eçke eşläre ministerlığınıñ matbuğat xezmäte 4 martta kiñ mäğlümat çaralarına taratqan xäbärenä kürä, törek tuğannarıbız xalıqara ekstremistik oyışmalar belän bäyläneştä buluda ğäyeplänä. İmeş, Ufada eşläwçe dürt törek watandaşı bar dönyada kiñ bilgele «Nurcular» oyışması wäkilläre ikän. Başqortstan xoquq saqlaw oyışmaları mäğlümatına kürä, «Nurcular» belän elemtädä şiklänelgän töreklär Ufadağı «Stil» dip isemlängän şirkät qanatı astında eşlägän. Bu şirkät Başqortstanda tiredän eşlängän kiemnär belän säwdä itä. İminlek orğannarı farazlawınça, şirkät qazanğan aqçanıñ yartısı dini oyışma qaznasına kitkän buluı ixtimal. Törek eşquarları Aşgenaa Xäyretdin, Özer İbrahim Denia, Aqtepe Yosıf häm Uylaşqan Şaxin üzläreneñ «Nurcular» oyışması belän bäyläneştä buluların kire qağa. Ämma Başqortstan xoquq saqlaw oyışmaları törek qardäşlärebezneñ bu oyışma belän tığız bäyläneştä buluına kire qaqqısız dälillär bar dip raslıy. Bıltır köz «Stil» şirkäteneñ Ufadağı kibetendä tikşerü ütkärgändä, iminlek orğannarı xezmätkärläre tıyılğan dini ädäbiät basmaların tapqan buluların äytä. Alar arasında xätta Törkiäneñ üzendä dä tıyılğan kitaplar buluı açıqlanğan. Tik şunısı soraw tudıra, ul kitaplarnı bıltır köz aylarında uq tapqaç, nigä bu xaqta äle genä çañ qağalar? Başqortstan iminlek oyışmaları töreklärne respublka keşelären üz yağına cälep itüdä dä şiklänä. İmeş, törek säwdägärläre üz kibetlärendäge kiem – salımnı qayber satıp aluçılarğa yartı bäyäsenä genä cibärep, annan soñ alar belän yaqın tanışlıq mönäsäbätläre urnaştırğan häm alarğa üz ideologiäsen tağarğa mataşqan.
Älbättä, Ufada eşlägän töreklärgä taşlanğan ğäyeplär – Başqortstan Eçke eşlär ministerlığınıñ republík cämäğätçelegenä täqdim itkän üz farazları ğına. Moña ışanırğamı – ışanmasqamı ikänen berkem dä açıq äytä almí. Çönki törek tuğannarıbızğa üzläreneñ ğäyepsez tügellegen isbat itü öçen mömkinlek häm waqıt birmilär. Alar kiläse atna başında Başqortstannan häm, ğomumän, Rusiädän çığıp kitärgä tieşlär digän qatği kisätü aldı.
İnde menä Başqortstanda yäşäp eşläwçe töreklärgä bäyle çirattağı cäncal. Başqortstannan tağın dürt törek watandaşın qualar. Döresräge alarnı Başqortstannan ğına tügel, ä Rusiädän dä çığarıp cibärälär. Başqortstan Eçke eşläre ministerlığınıñ matbuğat xezmäte 4 martta kiñ mäğlümat çaralarına taratqan xäbärenä kürä, törek tuğannarıbız xalıqara ekstremistik oyışmalar belän bäyläneştä buluda ğäyeplänä. İmeş, Ufada eşläwçe dürt törek watandaşı bar dönyada kiñ bilgele «Nurcular» oyışması wäkilläre ikän. Başqortstan xoquq saqlaw oyışmaları mäğlümatına kürä, «Nurcular» belän elemtädä şiklänelgän töreklär Ufadağı «Stil» dip isemlängän şirkät qanatı astında eşlägän. Bu şirkät Başqortstanda tiredän eşlängän kiemnär belän säwdä itä. İminlek orğannarı farazlawınça, şirkät qazanğan aqçanıñ yartısı dini oyışma qaznasına kitkän buluı ixtimal. Törek eşquarları Aşgenaa Xäyretdin, Özer İbrahim Denia, Aqtepe Yosıf häm Uylaşqan Şaxin üzläreneñ «Nurcular» oyışması belän bäyläneştä buluların kire qağa. Ämma Başqortstan xoquq saqlaw oyışmaları törek qardäşlärebezneñ bu oyışma belän tığız bäyläneştä buluına kire qaqqısız dälillär bar dip raslıy. Bıltır köz «Stil» şirkäteneñ Ufadağı kibetendä tikşerü ütkärgändä, iminlek orğannarı xezmätkärläre tıyılğan dini ädäbiät basmaların tapqan buluların äytä. Alar arasında xätta Törkiäneñ üzendä dä tıyılğan kitaplar buluı açıqlanğan. Tik şunısı soraw tudıra, ul kitaplarnı bıltır köz aylarında uq tapqaç, nigä bu xaqta äle genä çañ qağalar? Başqortstan iminlek oyışmaları töreklärne respublka keşelären üz yağına cälep itüdä dä şiklänä. İmeş, törek säwdägärläre üz kibetlärendäge kiem – salımnı qayber satıp aluçılarğa yartı bäyäsenä genä cibärep, annan soñ alar belän yaqın tanışlıq mönäsäbätläre urnaştırğan häm alarğa üz ideologiäsen tağarğa mataşqan.
Älbättä, Ufada eşlägän töreklärgä taşlanğan ğäyeplär – Başqortstan Eçke eşlär ministerlığınıñ republík cämäğätçelegenä täqdim itkän üz farazları ğına. Moña ışanırğamı – ışanmasqamı ikänen berkem dä açıq äytä almí. Çönki törek tuğannarıbızğa üzläreneñ ğäyepsez tügellegen isbat itü öçen mömkinlek häm waqıt birmilär. Alar kiläse atna başında Başqortstannan häm, ğomumän, Rusiädän çığıp kitärgä tieşlär digän qatği kisätü aldı.
