Accessibility links

җомга, 9 декабрь 2016, Казан вакыты 09:00

Rässam Rinat Xarisqa 50 yäş


Başqortstanda yäşäp icat itüçe tanılğan tatar rässamı, Başqortstannıñ atqazanğan rässamı isemen alğan talantlı icatçı Rinat Xarisovqa 50 yäş tuldı. Şuşı uñaydan 5 mart könne Ufada iñ däräcäle Nesterov isemendäge däwlät sänğät muzeyında yübilyärnıñ şäxsi kürgäzmäse açıldı. Andağı öç zalda Rinat äfändeneñ elekke yıllardağı häm soñğı waqıtta ícat itelgän altmışqa yaqın kartinı urın alğan. Alarnıñ barısı da sınlı sänğät äsärläre. Kürgäzmäneñ üzençälege şunda: andağı barlıq eşlärdä tatarnıñ milli ruxı yarılıp yata. Anda böyek taríxıbız da, milli mädäniätebez dä, canğa yaqın yolalarıbız, ğöref – ğädätlärebez dä çağılış tapqan.

Rinat Xarisovnıñ yübiley kürgäzmäsen açu tantanasına Başqortstannıñ Mädäniät häm milli säyäsät ministerlığınnan wäkillär, bik küp rässamnar, sänğät belgeçläre, yübilyärnıñ yaqtaşları – Boray rayonı xakimiätennän wäkillär häm räsem sänğäten söyüçe tamaşaçılar kilgän ide. Rinat äfände biredä bik küp cılı qotlawlar häm istälekle büläklär qabul itte. Çığış yasawçılarnıñ küpçelege anıñ icatınıñ milli ruxta buluın assızıqladı. Kürgäzmäne açu tantanası tämamlanğaç, bez Rinat äfände belän qısqa ğına äñgämä qorıp aldıq. Şul söyläşüdän ber özekne Azatlıq radiosınıñ comğa tapşıruında tıñlıy alasız. 50 yäşlek altın yübiileyen bilgeläwçe talantlı millättäşebezneñ Ufadağı Nesterov isemendäge däwlät muzeyında comğa könne açılğan şäxsi kürgäzmäse ber ay däwamında eşläyäçäk.

Fänis Fätxi, Ufa

XS
SM
MD
LG