Accessibility links

дүшәмбе, 5 декабрь 2016, Казан вакыты 17:45

Qıtay xökümäte xärbi häm awıl xucalığı ölkäsendä kübräk aqça sarıf itäçäk


Qıtaynıñ saqlanu çığımnarın yaqınça 12%qa arttıruı bigräk tä Taiwanda tınıçsızlıqqa säbäp buldı.

Comğada Pekingdä Qıtay Milli Xalıq Qorıltayınıñ yıllıq cıyılışı başlandı .Parlament wazıyfasın ütäwçe qorıltaynıñ cıyını 10 kön däwam itä häm ul xökümät säyäsäten raslıy .Qıtay saqlanu ministırı Jin Renqing delegatlarğa xökümätneñ xärbi çığımnarnı bıyıl artıraçağın belderde. Jin Renging süzlärençä(audio ) xökümät, qorallı köçlärebezneñ yuğarı texnik şartlarda suğış äzerlegen yaxşırtu, xärbi personal häm xärbilärneñ pensiälären arttıru öçen saqlanu çığımnarın 21milliad 830million yuan yäğni 2milliard 600million dollar ikençe törle äytkändä 11.6% arttırırğa qarar birde dip söyläde. . Jin Qıtaynıñ bıyılğı barlıq xärbi çığımnarınıñ 25milliard dollar tiräsendä bulaçağın äytte, 2.5 million ğäskäriä belän Qıtay dönyanıñ in zur armiäsenä iä. Peking yıllardan birle armiäsen modernlaştırırğa tırışa.Anıñ xärbi çığımnarnı arttıru turındağı belderüe bigräk tä ike atnadan soñ prezident saylawları häm referendum ütkäräçäk Taiwanda uñay qarşı alınmadı.Taiwan prezidentı Chen Shui-bian20nçe martta ütäçäk saylawlarda xalıqtan utrawnıñ saqlanu säläten arttıru turında sorarğa äzerlänä.. Peking 1949 yäğni watandaşlar suğışınıñ tämamlanuınnan soñ Taiwanğa üzeneñ ber töbäge dip qarıy häm alda torğan referendumnı provakatsiä dip bäyäli. Qıtay tışqı eşlär minsitırı Li Zhaoxing mätbuğat oçraşuında, Pekingnıñ tışqı säyäsättä mäqsatların açıqladı.,QItaynıñ keşe xoquqlarına çınlap ta iqtibar itüen äytkän ministır bez ber qayçan da Taiwannıñ Qıtaydan ayrılıp çığuına röxsät itmiäçäk ,milli berdämlekne saqlap qalu Qıtaynıñ in möhim missiäse dide Zhaoxing.Ministır, Rusiä prezidentnıñ bıyıl Pekingdä sumitqa kiläçägen dä äytte..Qıtay xärbilären modernlaştıru belän genä qalmıy, qorıltayda ilneñ yarlıları belän bayları arasındağı upqınnı taraytu turında da süz buldı.Qıtaynıñ tulay milli produksiäse ütkän yılda 9.1%qa üstte. Şähärdä mulllıq ,baylıq artıp barsa da awıl cirlärendä millionnarça keşe ekonomik reformalarnıñ faydasın kürmi. Ministır Jin Renqing farmerlarnıñ keremen arttıru, awıl cirlärendä infrastruktura tormışnı yaxşırtu öçen investitsiälär 2004nçe yılda nıq arttırıla dide.

färidä xämit,praga
XS
SM
MD
LG