Şimbä könne Qazan şähäreneñ meñyıllığına äzerlek buyınça oyıştıru komitetı utırışı buldı. Qazan kremlendäge bu möhim utırışta Rusiä premyer-ministrı urınbasarı häm finans ministrı wazifaların ütäwçe Aleksey Kudrin da qatnaştı. Süz, yubileyğa qädär qalğan yıl yarım eçendä, metro, yortlar, tarixi häykällärne tözekländerü turında bardı. Kudrin citmägän aqça bireler, programmağa kergän yärdäm kürsäteler, dip äytte.
Bäyräm könnärendä Däwlät Sovetına kandidatlar ayıruça iğtibarlı häm xatın-qıznı zurlawçı qäwem bulıp kürende. Bez agitatsiädä qatnaşmaw säbäple, bu turıda süz quyırtıp tormabız. Här nämzätneñ üz eşe, üz mömkinlekläre. Poçta tartmalarındağı täbrik süzläre, matur otkrıtkalar, xatlar, keçkenä büläklär bu könnärdä xättin aştı.
