Accessibility links

сишәмбе, 6 декабрь 2016, Казан вакыты 06:06

Xatın-qızlar bäyrämen qarşılap


8 mart - Klara Ssetkin kebek inqilabçı xatın-qızlar tarafınnan kütärelgän säyäsi bäyräm häm proletariat, feministlar xäräkäte waqiğası bularaq ğämälgä quyılsa da, barıber dönyawi häm ğadi keşelär bäyräme. Xatın-qızlarnıñ buldıqlılığı, nazlılığı, mäxäbbät, yaz bäyräme Tatarstanda härwaqıt zurlap ütkärelä. Şuşı datağa qarata zur ğına sotsial' waqiğalar täğäyenlänä. Şimbä könne Qazannıñ üzägendä ataqlı Piramida belän terälep torğan bik üzençälekle qunaqxanä açıldı. Bu Tatarstanda berdän-ber 5 yoldızlı qunaqxanäneñ açılışına Mintimer Şäymiev häm anıñ tormış iptäşe Säkinä xanım da kildelär. Prezident Apparatı citäkçese Äğzam Ğöbäydullin, Däwlät Sovetı räise Färit Möxämmätşin, şähär başlığı Kamil İsxaqov ta xäläl cefetläre belän bergä idelär. 8 mart aldınnan xatın-qızlarnı räsmi çaralarda kürsätü traditsiäsennän başqa, bu qunaqxanäneñ tözüçese, döresräge, anı tözetüçe Nira-Eksport kompaniäseneñ general' direktorı, bilgele eşquar, avtomobil' uzışları buyınça Yevropa çempionı Radik Mintimer ulı Şäymiev bulu da zur rol' uynağandır. Moña qädär bik zur citäkçelär, eşquarlar Qazanğa kilep, üz eşlären ber köndä tämamlap, kiçkä Mäskäwgä qaytıp kitsälär, xäzer inde däräcäle häm bay qunaqlar şuşı “Miraj” dip atalğan ocmaxta yal itä alalar. Qunaqxanä açılışında sıylawlar, qızıqlı konsert çaraları, räsmi çığışlar, täbrik süzläre istä qaldı. “Miraj” Qazannıñ meñyıllığına bik zur büläk”,- digän fiker yış qına yañğıradı.

Bäyräm könnärendä cämäğätçelek räxätlänep yal itte. Törle konsertlar, tamaşalar - alar barısı da xatın-qızlarnıñ güzällegen häm talantın kürsätügä bağışlandı. Yazuçılar, icadi intelligentsiä dä bu könnärdä büläk ala. 9 martta Vasilyevo sanatorienda ör-yaña icat yortı açılaçaq.

XS
SM
MD
LG