Accessibility links

Кайнар хәбәр

Zakir Şahban säyäxätkä cıyına


Ser tügel, xatın-qızlar yağımlı, moñlı, talantlı, ixlas irlärne xörmät itä. Şundıylarnıñ berse - Zakir Şahban Azatlıq radiosınıñ Qazan byurosında buldı. Novosibirski ölkäsendä tuıp üskän bu millättäşebez, xäzergä maqtawlı isemnärgä iä bulmasa da, iñ populyar artistlar arasında. Küptän tügel ul tormış iptäşe Gölüsäneñ şiğerläre häm üzeneñ cırlarınnan torğan al'bom çığardı. Közen alarnıñ Alisä isemle qızları da tuğan ide. Bäyrämnän soñ Zakir Şahban Ural häm Seber yaqlarına säfärgä kitä.“Aqsu” studiäse belän berlektä eşlim. “Aqsu”nıñ citäkçese avtor başqaruçı Röstäm Särwärov belän berlektä “Näwrüz cırı festivale” digän konsert programması belän Tömän, Yekaterinburg, Xantı-Mansiski yaqlarına barıp barısı 35 konsert quyarğa uylanılğan . Programmada İldar Xämidullin citäkçelegendäge “Step-şou”törkeme, kölke professorı Räşit Şamqay, El'wira Xäyrullina häm yäş kenä yaña yoldız

Läysän Ğimayıwa da konsertta qatnaşaçaq”,-dide ul.

Şulay itep, qäderle tıñlawçılar, berniçä atna buyı Seberdä, Uralda, annarı Tatarstanda çığış yasağannan soñ, Zakir Şahbannıñ yaña programması Piramida zalında kürsäteläçäk. Seber yaqlarında tuıp üskän Zakir Şahban Qazanda sänğät ostası buldı. Küzläre kürmäsä dä, ul bar närsäne kürä, belä, xätta internet buyınça säyäxät tä itä häm Seber yaqlarına säfärgä dä çığıp kitä. Rimzil Wäli Qazan.

XS
SM
MD
LG