Accessibility links

дүшәмбе, 5 декабрь 2016, Казан вакыты 17:38

«Vasilyevo» sanatoriesendä «İcat yortı» açıldı


Yäşel üzän rayonında urnaşqan «Vasilyevo» sanatoriyäsendä «İcat yortı» açıldı. Bu «İcat yortı»nıñ açıluında Tatarstan Prezidentı Mintimer Şäymiyıwneñ , Tatarstan xökümäte häm Tatarstan respublikasınıñ profsoyuzlar federatsiäseneñ yärdäme zur buldı.Xäzer bu «İcat yortında» mäşhür yazuçılar, kompozitorlar, rässamnar, artistlar,ğomumän, icat eşe belän şöğellänüçelär, üzläreneñ sälämätlegen dä nığıta alacaqlar .

Bu matur tabiğät qoçağında «Vasilyevo» sanatoriäse tiräsendä XIX гасырда tözelgän yortlar, binalar bar. Bu cirlärdä milli mädäniätneñ yözek qaşı bulğan yazuçılar, rejisserlar, akterlar yal itkän bulğannar.

«Mäğrifät» gäziteneñ 10nçı sanında Vasilyevo bistäse 3nçe tatar urta mäktäbe direktorı Mäwlixa Vazıyxovanıñ «Naratlar da, min dä xäterlim...» digän isem astında mäqäläse bastırılğan. Ul mäqäläsendä bolay dip yaza:

«1994-95 yıllarda «Vasilyevo» yal yortındağı tarixi bu bina biknıq cimerek xälendä ide...Menä bügen yañartılğan mähabät bina qarşında basıp toram. Tınlıq. Uyçan yözemä äkren genä aq qar sibäli. İcat yortınıñ täräzälärendä ut yana. Dimäk, anda milli yäşäyeş däwam itä.Kiläçäk buınnarğa da anıñ cılısı citsen ide. Millätebezgä ozaq yıllar xezmät itkän binanıñ yañadan torğızıluına min çiksez bäxetle. Binanı torğızuda üzennän zur öleş kertkän häm başlap yörgän keşeneñ iseme dä onıtılmasın ide. Ul Bikmullin Nurulla Kärimulla ulı»-dip tämamlıy mäqäläsen Mäwlixa Wazıyxova.

Sişämbe könne 9 martta açılu tantanasında Tatarstan Prezidentı Mintimer Şäymiev tä qatnaştı.

XS
SM
MD
LG