Bügen Rusiä prezidentı Vladimir Putin yaña xökümätkä kergän ministrlarnıñ isemnären bäyän itte. Tışqı eşlär ministrı itep Rusiäneñ Berläşkän Millätlär Oyışmasındağı wäkile Sergey Lavrov bilgelände. Aña qadär bu wazifada bulğan İgor İvanov prezident qarşındağı İminlek Şurasınıñ sekretare itep quyıldı.
Ministrlar sanı 30dan 17gä qısqartıldı.
Yaña täqdim itelgän ministrlar utırışında prezident Putin, bu adım belän bez ilne ozaq bürokratik protsesstan qotqardıq, dip belderde. Finans ministrı häm İqtisadi Tärräqiät wä Säwdä ministrı wazifasında elekke kebek Alexei Kudrin häm German Gref qaldı. Sänäğät häm emergetika ministrı urnında – waqıtlıça premyer-ministr wazifaların başqarğan Viktor Xristenko qaldı.
Ğadättäntış xällär ministrı – Sergey Şoygu, eçke eşlär ministrı – Räşid Nurğaliev.
