Ukraina prezidentı Leonid Kuçmanıñ bäysez mäğlümat çaralarına irek birmäwenä qarşılıq belderer öçen bügen baqşala uramnarına meñlägän keşe çıqtı.
Küptän tügel Ukrainada Kontinent radiosı yabıldı, anıñ dulqınnarında BBC, Deutche Welle häm Azatlıq radiosınıñ Ukrain redaksiäse tapşıruları yañğrıy ide. Ukraina radiosınıñ başlığı Heorhiy Çeçiknıñ ülemendä dä uram cıyınında qatnaşuçılar xökümätne ğayepläde. Çeçiknıñ radiosı Azatlıq tapşıruların yañğratırğa cıyına ide. Kuçma şulay uq räşwätçelektä, qoral belän bäyle eşlärgä qatnaşı buluda, saylawlarda qanun bozuda ğayeplänä. Prezident üze bolarnı kire qaqtı, bügen ul Tailand başqalası Bankokta räsmi oçraşular uzdıra.
Bügen Kievta uram cıyının oyıştıruçılar – anda qatnaşuçılarnıñ sanı 40 meñgä yaqın ide, dip belderde. Politsiä isä – cıyında 10 meñnän artıq keşe yuq id
