Accessibility links

якшәмбе, 4 декабрь 2016, Казан вакыты 09:10

Tatarstan Fännär Akademiäse yaña texnologiälärne üsterergä teli. 2003 näticäläre




Ütkän yılda fännär akademiäse Tatarstan prezidentı quyğan burıçnı ütär öçen maqsatçan eş alıp barıdı. Tatarstan Fännär Akademiäse prezidentı Mansur Xäsänov üzeneñ çığışında, änä şulay dide. Bu oçraqta suz, fänne yañartu, sänäğättä qullana alırlıq fänni texnologiälärne üsterügä yünältelgän däwlät programması turında bara.

Mansur Xäsänov şulay uq, fänneñ barlıq tarmaqlarına bäyä birep çıqtı, näticälär yaxşı bulsa da , qänäğätlänergä irtä äle, dide.



2003 yılda ğalimnär fideralizmnıñ fänni nigezlären öyränüne däwam itkän, assimetrik federalizmı üsterügä zur öleş kertkän. Ämma, Fännär Akademiäse Prezidentı äytkänçä, ğalimnärgä, aqça citmäwgä gel sıltap utırmasqa, üzlärenä dä finans yaqlarnı qayğırtırğa öyränergä kiräk. Uñay misal itep ul, Tarix İnstitutın kiterde. Bu fänni berläşmädä eşläwçe ğalimnär, «Tatneft» şirkäteneñ yärdäme belän Älmät yağınıñ tarixına bağışlanğan fänni xezmätlär çığara.



Gumanitar fännär aldında torğan burıçlarnıñ berse itep, Mansur Xäsänov, Rusiä regionnarında «tatar mäs’äläsen» öyränüçe ğalimnärneñ eşçänlegen koordinatsiäläw mäs’äläsen bilgeläp ütte. Prezident fikerençä, bu eş belän, Fännär Akademiäse genä tügel, Tatar kongressı da şöğellänä alır ide.



Ul, tarixçılarnı, Qazannı yañartıp qoru eşlärendä kübräk qatnaşırğa çaqırdı. Tatarstan fäneneñ meditsina tarmağı uzğan yılda küzgä kürenerlek näticägä ireşte, dide. Mäsälän, ğalimnär çit ildä citeşterelgän aspirinnı alıştıra alırlıq, daru uylap çığarğan. Neft häm ximiä ölkäsendä eşläwçelär, böten tırışlıqların, neft çığarunı arttıru häm anı eşkärtü sıyfatın üsterügä quyarğa tieş, dide Fännär Akademiäse prezidentı.



Mansur Xäsänovtan soñ çığış yasağan Tatarstan xökümäte räise Röstäm Miñnexanov, ğalimnärne fänneñ fundamental` öleşen alıp baru belän bergä, iqtisatnı üsterügä yärdäm itkän öleşenä dä iğtibar birergä çaqırdı. Ul şulay uq, Tatarstan fännär Akademiäsenä struktur üzgäreşlär kiräk, digän belderü dä yasadı.



Tänäfestä «Azatlıq» radiosı xäbärçese, berniçä ğalim belän , eş şartları turında söyläşep aldı. Alarnıñ äytülärenä qarağanda, formal räweştä ütkärelgän cielışlardan fayda az. Tatarstan fäne tağı da alğa barır ide, ägär anı finanslaw tieşle däräcädä alıp barılsa, dilär alar. Şuña ğalimnärgä tamaq yalğarlıq aqçanı qayadır çittä eşlärgä turı kilä.



Bikä Timerova.

XS
SM
MD
LG