Accessibility links

җомга, 9 декабрь 2016, Казан вакыты 06:49

AQŞ,äfgan awılçıların kisätkän Taliban xatların tikşerä


AQŞ citäkçelegendäge koalitsion köçlär (yasalaçaq xärbi operatsiädän elek) Äfgan-Pakstan çigendäge awıl yortlarna yäbeşterelgän xatlarnı tikşerä. ''Tönge xatlar ''dip yöretelgän bu yazmalarda koalitsion köçlär belän xezmättäşlek itüçelär kisätelä.Radiobız xabärçese Ron Synovitz AQŞ häm Rumıniä xärbilärennän torğan törkem belän Qandahar töbägendä säyäxät itä häm şul xatlarnıñ çığanağın tikşerä.

Xaberçebez Ron Sinovitz bolay dip xabär itä: Rumıniä xärbi maşinaları ozatuında AQŞ xärbi räsmiläre Qandahar täbägeneñ Taxteh –Pol rayonında küptän tügel tönnä yort binalarına yäbeşterelgän taliban xatların tikşerergä kilde.Törkemne Taxteh Polnıñ administratorı Gul Möxämmäd Qarzai qarşı aldı, ul äfgan prezidentı Qarzai qabiläse äğzası.Tönge xatlar turında yäisä tirä yaqtağı awıllarda naçar keşelär kürenäme digän sorauğa Qarzai başta (audio) Tönge xatlar turında belmim. Şura daimi cıyınnar ütkärä. Citäkçelär Qandahardağı ölkä xökümäte belän elemtädä tora. Alar töbäkneñ iminlek eşlären qarap bara, ägär dä taliban yäki Al qaida suğışçıların oçratsa miña yäki Qandahar gubernatorına xabär itäçäk digän cawap qaytara. Möxämmäd Qarzai Polkovnik Wes Parker citäkçelegendäge törkemne administratsiä binasına kertep kelemnär cäyelgän idängä utırta... Parker vizit yasağan awıllardağı humanitar wä iminlek şartların bilgeläw öçen sorağan sorawlarnı monda da birde. Misal öçen töbäktäge ğailälär , yortlar sanı, su qoyısı, yardäm oyışması xezmätkäre sonğı märsätäbä qayçan vizit yasadı, mäktäp barmı, niçä keşe uqıy belä, niçä radio alğıçı bar avılda in küp qaysı tapşıru tıñlana kebek sorawlar ide . Tağı şundıy sorawlardan soñ rayon citäkçese tönge xatlardan xabärdar buluın häm ütkän atnada şiklänelgän taliban noqtaları turındağı xaritanı Rumıniä xärbilärenä tapşıruın äytte.Şunnan soñ polkovnik Parker rayon , awıl xalqı Amerika citäkçelegendäge koalitsiä köçlärenä niçek qarıy dip sorağaç, Qarzai bolay dip cawap birde(audio) ğomumän xalıq sezneñ monda buluğa şatlana.Koalitsion köçlär bulmasa ide, tağı suğış bulır ide, cirle komandirlar berberse belän suğışır ide , Taliban yäki Al Qaidanıñ yaman aksiäläre bulır ide . Parker koalitsiä köçläreneñ toruına qarşı buluçılar barmı dip sorağaç , Qarzai (audio) äyye, koalitsion köçlärne yaratmawçı berniçä keşe bar, ämma alar xakimiättä tügel dip äytkän. Rayon üzägendäge oçraşuğa cirle politsiä citäkçese, küzläw xezmätkäre häm rayonnıñ iminlek xezmätläre başlığı Asdullah ta qatnaşa. Asdulla Pakstannan Qandahar töbäge aşa amunitsiä häm narkotika yäşren yullar belän Äfganstanğa kerä dip äytep amerikannarğa Pakstan çigen nığıtırğa kiñäş itä .Häm ul yäşren yullarnı da amerikannarğa kürsätergä riza bula. Cıyılış azağında Qarzai,amarikannarğa, awıl xalqınıñ Taliban häm al Qaida turında birgän mäğlümätkä saqlıq belän qararğa kiñäş itä. Ul AQŞ köçläreneñ waqıt yuğaltuı, kiräkmägän urınnarnı tikşerüe öçen mäxsus yalğış informatsiä birelüe ixtimal digän. Rayonnan qaytıp kitkändä polkovnik Parker ängämä humanitar häm tözü eşläre öçen yaña keşelär kiräklegen kürsätä ämma aşığıç ber mäsälä yuq dip beldergän. Taliban häm al Qaida turındağı mäğlümätneñ ışanıçlığı turında isä ul bernindi dä komentar birmäde dip belderä xabärçebez Ron Sinovitz Äfganstannan

färidä xämit, praga
XS
SM
MD
LG