Accessibility links

пәнҗешәмбе, 8 декабрь 2016, Казан вакыты 19:19

İran Xalıqara Atom agentlığında Yevropa illärennän teläktäşlek bulmawına borçılu belderä


Iran bügen Yevropa däwlätläreneñ Amerika Quşma Ştatları basımına bireşep Tährannıñ atom programması turında rezolüsiä qabul itüenä borçıluın belderde. İran ilçese Piruuz Hosseini bügen Xalıqara Atom Agentlığı utırışında çığış yasap "bez Yevropalı kollegalarıbızdan kübräk kötkän ide" dip belderde: "3 Yevropa däwläte (Britaniä, Germaniä häm Fransiä) xällärennän kilgänne eşlärgä tırıştı, dip uylıym. Ämma ikençe yaqtan bez alardan tağın da kübräk kötkän idek. Qızğanıçqa qarşı Amerikannardan bulğan köçle basım İrannıñ agentlıq belän xezmättäşlek itüenä kirtä saldı" dide İran wäkile. Xäbärlärgä qarağanda Amerika Quşma Ştatları, Kanada häm Awstraliä, şulay uq Britaniä, Fransiä häm Germaniä Tähranğa üzeneñ atom eşçänlege turında xäbär itmägäne öçen täñqit belderergä kileşkän, ämma xäzer ük Berläşkän Millätlärneñ nindi dä bulsa sanksiälären qullanmasqa bulğan. Xalıqara atom agentlığı şulay uq Liviäneñ atom qoralın cäyeldermäwe turındağı kileşüne bozuı xaqında rezolüsiä qabul itkän. Ämma şul uq waqıtta Tripolinıñ atom programmasınnan waz kiçergä süz birüe xuplanğan. Liviä wäkilläre bügen Agentlıq belän östämä protokol qabul itte. Anda Liviäneñ ildä tikşerülär uzdırırğa rizalıq birüe turında äytelä.

XS
SM
MD
LG