Accessibility links

дүшәмбе, 5 декабрь 2016, Казан вакыты 03:33

Fransiä ğalimnäre qarşılıq çarasın däwam itä


Fransiä xökümäte, aqçanıñ qısqartıluına qarşı çığıp eş taşlağan ğalimnärne tınıçlanırğa çaqırdı. Hönär berlekläre isä – protest çarasın däwam itärgä quşa. Tikşerenülär ministrı, elekke kosmonavt Claudie Haignere, bügen hönär berlekläre wäkilläre belän oçraşıp kilep tuğan wazğiättän çığu yulları turında söyläşergä tieş ide. Kiçädän birle 2 meñgä yaqın Fransiä ğalime eş taşladı. Finanslawnıñ qısqartıluı – fänni tikşerülärne totqarlıy, häm iñ yaxşı ğalimnärneñ çit illärgä kitüenä etäräçäk, di alar. Mondıy qarşılıqlar inde berniçä ay däwam itä, ämma konservativ xökümätneñ fän ölkäsendä 550 urınnı qısqartuı turındağı qararı – ğalimnärne kisken çaralarğa etärde. Hönär berlekläre bügen ğalimnärne comğa köngä planlaştırılğan uqıtuçılarnıñ eş taşlaw çarasına da qatnaşırğa çaqırdı. Protest çaraları şulay uq 19nçı mart könenä bilgelängän.

XS
SM
MD
LG