Accessibility links

сишәмбе, 6 декабрь 2016, Казан вакыты 15:13

Xalıqara Matbuğat İnstitutı 2003nçe yılnı xärbi jurnalistlar öçen iñ qanlı yıllarnıñ berse dip aradı


Biredä urnaşqan xalıqara matbuğat institutı 2003nçe yıl – xärbi jurnalistlar öçen iñ qanlı yıllarnıñ berse buldı, dip belderde. Anıñ bügen iğlan itkän Dönyada Matbuğat İrege torışı turındağı xisabında, uzğan yıl Ğiraqta 19 jurnalist hälak buldı, tağın 19 ildä 45 xäbärçeneñ ğömere özelde, dielä. Ğiraqtağı ülemnär – atışlar, intixar höcümnäre, törle çirlär häm qazalar belän bäyle, dielä anda. Häm ägär dä Ğiraqta amerikannar citäkçelegendäge koalitsiä eçendä xärbilär arasında kübräk üzara añlaşu bulsa – hälak bulğan jurnalistlarnıñ sanı mondıy yuğarı bulas ide. Dönyada Matbuğat İrege turındağı xisapnı äzerläwçelärneñ berse David Dadge: "Dönyadağı xällärne, häm Ğiraqta jurnalistlarnıñ wazğiäten tikşerergä kiräk, dip sanıym. Äytik, Fälestin otelenä bulğan höcüm turında – minemçä, berektäşlekneñ xärbi köçläre bu xaqta xäbärdar bulğan, ämma näq şundağı ğaskärilärgä bu turında ber ni dä xäbär itelmäwe säbäple – anda küp jurnalist hälak buldı. Ğiraqta xärbilärneñ üzara aralaşuın öyränergä kiräk, bigräk tä jurnalistlarğa qağılğan öleşen, häm başqa suğışlarda näq şunı uq qabatlamas öçen sabaq alırğa kiräk" dide xisapnı äzerläwçelärneñ berse David Dadge. Xisapta şulay uq qıtay, Tönyaq Korea, Rusiä, Belarus häm Ukrainada matbuğat torışı täñqitlänä. Ayırım ber oyışma, New Yorkta urnaşqan Jurnalistlarnı Yaqlaw komitetı, uzğan yılda "üz wazifaların başqarğanda" 36 jurnalistnıñ hälak buluı turında xäbär itä.

XS
SM
MD
LG