Accessibility links

җомга, 2 декабрь 2016, Казан вакыты 23:07

Tähran üzeneñ atom programmasın täñqitlägän rezolüsiä qabul itelüe belän riza tügel


İran prezidentı Möhammäd Xattami bügen tağın ber tapqır, ägär dä Xalıqara Atom agentlığı Tährannıñ atom programmasın täñqitlägän rezolüsiä qabul itsä – Berläşkän Millätlär Oyışmasınıñ bu agentlığı belän xezmättäşlegen tuqtataçağı turında belderde. Rusiä prezidentı Vladimir Putin belän telefonda söyläşkändä Xattami, "Atom agentlığı real ber säyäsät alıp barırğa tieş, Amerika Quşma Ştatları basımına bireşergä tieş tügel", dide. Xäzerge waqıtta mondıy rezolüsiäneñ eçtälege mäs'äläsendä bäxäslär däwam itä. Atom agentlığı başlığı Möhammäd ElBaradei älegä qadär İranneñ agentlıq belän xezmättäşlek itüen xupladı: "Xäzer İran räsmiläre agentlıq belän xezmättäşlek itä, häm bu kiläçäktä dä däwam iter dip ömetlänäbez, häm bezgä İran citeştergän böten programmalarnıñ barı tik tınıç maqsatlarda qullanılğanın kürergä forsat bulır" dide ElBaradei. Bu atnada Venada 35 äğza däwlät wäkile qatnaşında Xalıqara Atom agentlığı İrannıñ atom eşçänlegen tikşerä.

XS
SM
MD
LG