Accessibility links

Кайнар хәбәр

Fälestin suğışçısı Abu Abbasnıñ Ğiraqta koalisiä köçläre tarafınnan üterelüe kire qağıldı


Ğiraqtağı amerikan xärbi çığanaqları fälestin suğışçısı Abu Abbasnıñ koalitsiä köçläre tarafınnan üterelgän buluın kire qaqtı. Anıñ mäyeten yarıp yasalğan tikşerülär – suğışçınıñ törmädä yöräk öyänägennän wafat bulğanın kürsätkän. Abu Abbas düşämbe könne ülgän. Abbas ber ara Fälestinne Azat İtü frontı başlığı bulıp tordı, 1985nçe yılda säyäxätkä çıqqan köymädäge keşelärne totıq itep alu çarasın oyıştırdı. Ul çaqta köymädä ber ğarip amerikan yähüde üterelgän ide. Amerikan törmäsendä Abbas ber yılğa yaqın totıldı. Tuğannarı häm tarafdarları anıñ ülemendä amerikannarnı ğayepli. Ğiraqtan kilgän başqa xäbärlärgä qarağanda, bügen ilneñ könyağındağı Basra şähärendä bilgesez keşelär koalitsiä köçläreneñ kiemnären yuu eşendä bulğan 2 xatın-qıznı atıp ütergän. İnde xäbär itkänebezçä, kiçä Ğiraqta ike amerikan watandaşı häm alarnıñ tärcemäçese atıp üterelde. Bu cinäyätne qıluda şiklänelgän 5 keşe qulğa alındı. Kiçä Bağdad yanında bomba höcümendä alğan cärähätlärdän bügen ber amerikan xärbie ülde.
XS
SM
MD
LG