Accessibility links

җомга, 9 декабрь 2016, Казан вакыты 22:33

Madridta terror höcümendä kimendä 173 keşe hälak buldı, 600dän artığı yaralandı


Bügen İspaniä başqalası metrosında irtänge säğatlärdä ber ber artlı 4 şartlaw yañğradı. Näticädä kimendä 173 keşe hälak buldı, 600dän artığı yaralandı. Xalıq aldında çığış yasap İspaniäneñ premyer-ministrı Jose Maria Aznar, bügen höcümnärne oyıştıruçılar qulğa alınaçaq, dip belderde. İspaniä terror çeltären yuq itäçäk, dide Aznar, ämma ber terror oyışmasınıñ da isemen atamadı: "Bez alarnı ciñäçäkbez, ber keşe dä bu xaqta şiklänmäsen. Qanun häm böten ispan xalqı yardäme belän bez bu terror çeltären yuq itäçäkbez. Alarnı qırıs qanunnar, iminlek köçläre häm mäxkämälär beteräçäk," dide Jose Maria Aznar. Şartlawlar öçen cawaplılıqnı üz östenä äle ber kem dä almadı. İspaniäneñ eçke eşlär ministrı Angel Asebes belderüençä, berniçä bomba 3 vagonğa quyılğan bulğan, tağın 3 bomba şartlap ölgermägän, alarnı politsiä tapqan. Aldağı yäkşämbe könne ildä ğömüm saylawlar ütergä tieş. Säyäsi partiälär älegä saylawaldı çaraların tuqtatıp torırğa buldı. Dönya cämäğätçelege Madridtağı terror höcümnärenä kisken täñqit häm borçılu belderde. Xalıqara oyışmalar häm däwlät başlıqlarınnan İspaniä citäkçelegenä teläktäşlek xatları kilde.

XS
SM
MD
LG