Accessibility links

шимбә, 10 декабрь 2016, Казан вакыты 11:47

Yazdagı yañartular


Ğädättä, yaña yortlar, uzğan yılnıñ näticälären yomğaqlap, yıl axırında tapşırıla ide. Ä bıyıl xalıq yaña yortlarda yaña yılnı tügel, ä yaznı qarşı aldı. Yaña cihazlar, maşinalar da yaña yıl yäki Saban tuy büläge bularaq tapşırıla.
Yazda yortlar yañaruı belän bergä timer yul bülegenä dä yañalıq kertelde. 12нче martta Gor''kiy timer yulı citäkçese Şäwkät Şäydullin Qazan timer yul bülegenä “Tatarstan” firma poyezdı öçen 5 yaña platskart vagon tapşırdı. Platskart vagonnarnı qabul itär öçen respublika premyer-ministrı Röstäm Miñnexanov kilgän ide. Yullarda yöregändä transportnıñ sıyfatı bik möhim bit. Bigeräk tä yıraq yulğa çıqsañ, uñaylı, yomşaqta barası kilä. Ä Gor''kiy timer yul citäkçese Şäwkät Şäydullin tapşırğan vagonnar xätta iñ köysez passajirlarğa da yaraqlıdır. Zamança cihazlanğan vagonnarda 12 säğätlek Mäskäwgä baru da bik sizelmiçä, küñelle buluğa oşağan xäzer. Bu platskart vagonnarnıñ tulı bäyäse 49 million sum aqça.
“Qazannıñ meñ yıllığına kilgän qunaqlarnı bez matur häm tözek vokzalda qarşı alırğa tieşbez”,- dip isäpli xökümät citäkçeläre. “Qazan” timer yul vokzalınıñ rekonstruksiä proyektı raslandı inde häm tözekländerü çaraları140 million sumnı taläp itte. Äytergä kiräk soñğı yıllarda respublikağa 8 yaña elektriçka sostavı alındı häm 2004нче yılda lizingka tağın 1 elektriçka alu farazlana. Şulay uq Qazan yubileena “Tatarstan-prigorod” şähär tiräse transport kompaniäsen tözü kileşüe dä 12 fevral''dä ministrlar kabinetında ütkän kiñäşmä waqıtında tözelde.
Tizdän zamança elektriçkalar belän Tübän Novgorodqa 6 säğät barıp citü forsatı bulaçaq.
Şul uq könne Qazan universitetı da bik möhim häm faydalı yañaru kiçerde. 12нче martta respublika prezidentı M.Şäymiev qatnaşlığında universitetnıñ töp korpusnıñ könçığış qanatın açu tantanası uzdı. 2002нче yılda tözelä başlağan bu 3 qatlı häm 6 kvadrat metr kiñlektä urnaşqan yaña binada biologiä fakul''tetı urnaştı. 400den artıq uquçığa dip isäplängän bu binada 38 laboratoriä, 8 auditoriä, 18 räsmi bülmä häm konferenc zal urnaşqan.
Prezident fikerençä könçığış qanat tözelü belän universitet zur kiñlek alu belän bergä, arxitektura yañalıqların qullanıp eşlägäç bik maturlandı häm kamilläşte.
Şunnan soñ prezident Çetaev uramında urnaşqan Aviatsiä universitetı binasın açarğa kitte, ä min bu söyeneçle xäbärlärne sezgä söylär öçen byuroğa aşıqtım.
Al''bina Zäynulla, Qazan.

XS
SM
MD
LG