Comğa Rusiädä prezidentlıqqa nämzätlär öçen agitatsiä alıp baru röxsät itelgän soñğı kön, läkin bu eş irtägä däwam itkän oçraqta da Vladimir Putinnän qala başqa nämzätlärgä tağın ber kön östämä agitatsiä ütkärü hiç kenä dä yardäm itmäs kebek. Alarnıñ qayberläre yarışqa çıqqanda uq üzläreneñ ottıraçağın belgän ide. Liberal-demokratlar häm kommunistlardan prezident nämzäte itep ikençel däräcä keşelärne kürsätü näq menä şul xaqta söyli. Ğädättä saylawlarda töp soraw bulıp "kem ciñä?" digäne tora, Rusiädä isä bu başqaça. Anda şuşı sorawğa cawapnı härkem belä, iğtibarnı barı tik xalıqnıñ tawış birüdä qatnaşu däräcäse genä cälep itä. Rusiä konstitutsiäse, saylaw näticäläreneñ ğämäldä buluı öçen tawış birüdä, moña xoquqı bulğannarnıñ 50 protsenttan da artığrağı qatnaşuın taläp itä. Şuña da xakimiat xäzer bar tırışlıqların xalıqnı yäkşämbedä saylaw urınnarına kiterügä yünälderä. Pänceşämbe könne saylawlarda qatnaşunıñ ähämiate turında maxsus möräcäğät belän xalıqqa prezident Vladimir Putin üze çıqtı. Comğa könne isä aña Tatarstan prezidentı Miñtimer Şäymiev tä quşıldı. Ufadan, saylaw urınnarına yäşlärne cälep itü öçen anda alarğa törle tamaşa wä tönge klublarğa buş biletlar taratılaçaq digän xäbärlär kilä. Tatarstannıñ "Yaña Ğasır" telekanalı yäşlärne Rusiä prezidentın saylawda qatnaşuğa öndäw eşen inde küptännän alıp bara. Yıraq Könçığıştağı Xabarovski şähärendä ber mobil telefon şirkätenä ğomumän, bar möştärilärenä dä saylawğa baru kiräklegen iskä töşergän qısqa xäbärlär SMS cibärü ämere birelgän. Läkin xakimiatneñ bar şuşı tırışlıqlarına qaramastan xalıqnıñ tawış birüdä qatnaşu teläge alay uq bik yuğarı tügel, härxäldä Mäskäwdä bu yaxşı sizelä dip belderä radiobıznıñ andağı xäbärçese Jeremy Bransten. Putinneñ inde aldan uq yaña premyer-ministr häm yaña xökümät bilgeläp quyuı keşelärdä, "barısı da aldan bilgele, nigä mäşäqätlänep barıp yörergä" digän fiker tudırğan. Rusiä başqalasınıñ Tverskaya uramında alınğan qayber şundıy fikerlärne tıñlap qarıyq. Küptän tügel genä pensiägä çıqqan Marina.
Audio, Marina
Şulay itep, qayberäwlär, bezneñ tawış birüdän xäzer berni dä tormıy, prezident bar, xökümät bar, bez inde yänä Stalin bulmasa da, Brejnev çorında yäşibez dip isäpli. 45 yäşlek Olganıñ isä saylawğa barmawı öçen, yuğarıda äytelgännän tış äle üz säbäpläre dä bar.
Audio, Olga
Saylawlarğa baru ul waqıtnı ğına äräm itü digän fiker belän Aleksey da kileşä, anıñ süzlärenä qarağanda, elek ul tawış birüne kiräk eş dip sanağan bulğan, xäzer isä fikeren üzgärtkän.
Audio, Aleksey
Putinne saylarğa teläwçelär dä bar, älbättä. Misal öçen İrina häm Maşa, alar monı dälilläp añlata almasa da, Putin inde bilgele keşe, ul barıber ciñäçäk dip belderä.
Audio, İrina, Maşa
Ser tügel, xakimiatkä Vladimir Putin kilgännän birle Mäskäw, ğomumän Rusiä xalqınıñ tormış däräcäse üsä töşte, terrorçılıq häm Çeçnädä däwam itkän suğışqa qaramastan, alar 90-nçı yıllar totrıqsızlığın küpmegäder onıttı. Xalıqnıñ zur öleşe monı Putinneñ olı qazanışı dip bäyäli häm şunıñ sürätendä üzäk bürokratiäneñ nığuına, irekleklärneñ qısıluına, bäysez mäğlümat çaralarınıñ betep baruına bik iğtibar itmi.
Kärim Kamal, Praga
Audio, Marina
Şulay itep, qayberäwlär, bezneñ tawış birüdän xäzer berni dä tormıy, prezident bar, xökümät bar, bez inde yänä Stalin bulmasa da, Brejnev çorında yäşibez dip isäpli. 45 yäşlek Olganıñ isä saylawğa barmawı öçen, yuğarıda äytelgännän tış äle üz säbäpläre dä bar.
Audio, Olga
Saylawlarğa baru ul waqıtnı ğına äräm itü digän fiker belän Aleksey da kileşä, anıñ süzlärenä qarağanda, elek ul tawış birüne kiräk eş dip sanağan bulğan, xäzer isä fikeren üzgärtkän.
Audio, Aleksey
Putinne saylarğa teläwçelär dä bar, älbättä. Misal öçen İrina häm Maşa, alar monı dälilläp añlata almasa da, Putin inde bilgele keşe, ul barıber ciñäçäk dip belderä.
Audio, İrina, Maşa
Ser tügel, xakimiatkä Vladimir Putin kilgännän birle Mäskäw, ğomumän Rusiä xalqınıñ tormış däräcäse üsä töşte, terrorçılıq häm Çeçnädä däwam itkän suğışqa qaramastan, alar 90-nçı yıllar totrıqsızlığın küpmegäder onıttı. Xalıqnıñ zur öleşe monı Putinneñ olı qazanışı dip bäyäli häm şunıñ sürätendä üzäk bürokratiäneñ nığuına, irekleklärneñ qısıluına, bäysez mäğlümat çaralarınıñ betep baruına bik iğtibar itmi.
Kärim Kamal, Praga