Accessibility links

шимбә, 10 декабрь 2016, Казан вакыты 11:52

«Altın bitlek» konkursı däwam itä


Respublikada balalar häm yäşlär teatrları häm qurçaq teatrı kollektivlarınıñ «Altın bitlek» dip atalğan Respublika smotr-konkursı bara. 10-11 martta Tatarstannıñ Aznaqay rayonında bu konkursnıñ töbäk buyınça yarışı uzdı. Respublika buyınça uzğan konkursnıñ yomğağı Çallı şähärendä may ayında uzaçaq. Aznaqay töbägennän qaysı kollektivlar Çallı şähärenä barırğa saylanıp alınğanı turında rayonnıñ mädäniät yortı direktorı Tatarstannıñ atqazanğan mädäniät xezmätkäre Zölxiä Miñlexanova söyläde. Ul:«Konkursnıñ Çallı şähärendä uzaçaq konkurs yomğağına Aznaqay şähäreneñ 7санлы mäktäp kollektivınıñ üzläre teatral'läştergän «Söyembikäneñ 101киңәше»dip atalğan kompozitsiäse belän çaqırıldı»,- dide.

“Äkiät” teatrında «Qazan turında qissa» spektakle.

12 mart könne Qazannıñ Qurçaq teatrında Mansur Ğiläcev äsäre buyınça säxnäläşterelgän «Qazan turında qissa» dip atalğan spektakl' bara. Bu epik legenda spektakle Qazannıñ meñyıllığına bağışlap säxnäläşterelgän. Spektakl'ne säxnäläşterü , anda nindi qurçaqlar buluı turında teatrnıñ baş rejisserı İldus Zinnurov söyläde:

«Anda törle-törle qurçaqlar qullanıla. Artistlarnıñ qullarına perçatka kebek kiep uynıy torğan qurçaqlar da, 2-3 artist öslärenä kiep uynıy torğanı da bar. Üzençälekle zur yılannı, zur- zur balıqlarnı tik şulay ğına kürsätergä bulır ide»,- dide ul.

Şulay uq, ber şatlıqlı waqiğa turında da äytep kitäse kilä. Nasix Zinnurov äytüençä :«Qurçaq teatrınıñ yaña binasın tözü turındağı qararğa Tatarstan Prezidentı Mintimer Şäymiev qul quyğan. Qazannıñ meñyıllığına Tuqay mäydanında Waxitov häykäle yanında Nekrasov uramı belän Professorlar tıqrığı yanında yaña Qurçaq teatrı tözeläçäk,-dide ul.

Tuqay muzeenda Räşit İmaşev kürgäzmäse.

«Tatarstannıñ xalıq rässamı» isemenä layıq bulğan Räşit İmaşewnıñ kürgäzmäse Tuqay muzeyında 10 martta açıldı. Kürgäzmädä tatar-başqort xalqınıñ tanılğan icat ähelläreneñ portretların kürergä bula. Anda Ğabdulla Tuqay, Xäsän Tufan, Mostay Kärim, Nacar Näcmi, Sibğät Xäkim, Ğarif Axunov, Zahir Xäbibullin, Näcip Cihanovlarnıñ portretları bar.

Kürgäzmä açılğanda nindi xis toydığız digän sorawğa, ul menä niçek cawap birde.

« Ğorurlıq xise toydım, häm Tatarstan xökümätenä räxmät äytäse kilä. Tağın da yaña äsärlär tudırırğa kiräk digän fikerdä qalam»,- dide Räşit İmaşev.

Azatlıq radiosı Mälikä Basıyr Qazan.

XS
SM
MD
LG