Accessibility links

дүшәмбе, 5 декабрь 2016, Казан вакыты 05:39

Könyaq Korea prezidentı wazifasınnan çitlätelde


Könyaq Korea parlamentı bügen prezident Ro Mu-Hyunnı wazifasınnan çitlätü öçen tawış birde. Prezident kiläse ayda ütäse saylawlarda xökümät taraflı partiäne yaqlawda, türälär arasında korrupsiägä küz yomuda ğäyeplänä. Prezident wazifaları waqıtlıça premier-ministr Go Kun'ğa küçte. Kun tışqı säyäsättä üzgäreş bulmayaçaq dip belderde:

Audio (Go Kun)

"İmpiçment ütkännän soñ, bar cawaplılıq xökümätkä qaldı. Xalıqta bilgesezlek xise bar, şuña kürä xökümät äğzaları üz wazifaların ikelänüsez başqarırğa tieş."

Prezident taraflı Uri partiäse impiçmentnı ütkärmäskä tırışqan ide. Partiäneñ 47 deputatı urınınnan kitäçägen belderä. Prezident Ro taraflı meñlägän keşe parlamentnıñ qararın "fetnä" dip atap protest çarası ütkärde. Xäzer bu mäsäläne Konstitusion mäxkämä tikşeräçäk. Parlament qararın raslaw yä kire qağu öçen anıñ 6 ay waqıtı bar. Prezidentnıñ parlament tarafınnan çitlätelüwe Könyaq Korea tarixında berençe tapqır buldı.

XS
SM
MD
LG