Rusiädä irtägä prezident saylawları. Saylaw aldı kampaniäse tämam. Bu kampaniädä küzgä çağılğanı şul buldı: namzätlärneñ berse dä Çeçnyä mäsäläsen kütärergä cör''ät itmäde. Televidenie ekrannarınnan da bu mäsälä yuqqa çıqtı, diärgä bula. Vladimir Putin berençe prezidentlıq möddäten başlağanda Çeçnya mäsäläsen xäl iterä wäğdä itkän ide. 4 yıl ütte, mäsälä xäl itelde dip äytep bulmıy. Cämğiättä borçılu xisläre kimemäde.
Mäskäwneñ Puşkin mäydanı Çeçnya suğışına qarşı demonstratsiä ütkärü urını. Nord-Ost waqiğasınnan birle anda här atnakiç distälägän keşe cıyıla. Şundıy çara bu atnakiçä tä ütte. Bezneñ Mäskäwdäge xäbärçebez annan qayber tawışlar yazıp qayttı.
Elekke jurnalist Yelizaveta Maksimovna bu çaralarnıñ bersen dä qaldırmıy. Anıñ süzlärençä, Rusiä xalqınıñ kübesendä şul uq xislär bar, tik alar anı kürsätergä genä telämi. İrtäme-soñmı Putin bu suğışnı tuqtatırğa mäcbür bulaçaq, di ul:
Audio (Yelizaveta Maksimovna)
Mäskäw uramnarında Azatlıqqa cawap birgän keşelärneñ kübese, televideniedä Çeçnya mäsäläse yuqqa çığuğa qaramastan, eçtäge borçular qala birä dip belderä. Alar uzğan ay Mäskäw metrosında bulğan şartlaw kebek ğämällärneñ qabatlanuınnan qurqa. Şul uq waqıtta kübese tawış birgändä Çeçnya mäsäläsen iskä alırğa cıyınmıy. Çönki namzätlärneñ berse dä cişeleş täqdim itmi, di alar. Çeçnyadağı xälgä Putin ğäyepleme digän sorawğa 42 yäşlek tabip, Olga xanım "yuq" dip cawap birä:
Audio (Olga)
28 yäşlek computer belgeçe, Sergei, bu mägnäsez suğışta ni öçen Rusiä yegetläre ülergä tieş - añlamıym, di:
Audio (Sergei)
Şuluq waqıtta Sergei da, bu suğış öçen prezidentı ğäyeplämi, anıñ fikerençä, monıñ artında oligarxlar tora.
Däwlät tarafınnan kontrol itelgän televidenie prezidentnı köçle, qulınnan eş kilgän şäxes itep kürsätä. 11 sintäberdän soñ Çeçnya suğışı xalıqara terrorğa qarşı köräşneñ ber öleşe itep taswirlana. Şuşı atna Madrid şartlawları da Rusiä televideniesendä kiñ yaqtıru taptı.
Ä Yelizaveta Maksimovna Puşkin mäydanına saylawlar ütkäç, kiläse atnakiç tä, annan soñ da kilergä cıyına. Küpme kiräk, şul xätle yöriäçäkmen, di ul.
Ali Gilmi, Praga
Mäskäwneñ Puşkin mäydanı Çeçnya suğışına qarşı demonstratsiä ütkärü urını. Nord-Ost waqiğasınnan birle anda här atnakiç distälägän keşe cıyıla. Şundıy çara bu atnakiçä tä ütte. Bezneñ Mäskäwdäge xäbärçebez annan qayber tawışlar yazıp qayttı.
Elekke jurnalist Yelizaveta Maksimovna bu çaralarnıñ bersen dä qaldırmıy. Anıñ süzlärençä, Rusiä xalqınıñ kübesendä şul uq xislär bar, tik alar anı kürsätergä genä telämi. İrtäme-soñmı Putin bu suğışnı tuqtatırğa mäcbür bulaçaq, di ul:
Audio (Yelizaveta Maksimovna)
Mäskäw uramnarında Azatlıqqa cawap birgän keşelärneñ kübese, televideniedä Çeçnya mäsäläse yuqqa çığuğa qaramastan, eçtäge borçular qala birä dip belderä. Alar uzğan ay Mäskäw metrosında bulğan şartlaw kebek ğämällärneñ qabatlanuınnan qurqa. Şul uq waqıtta kübese tawış birgändä Çeçnya mäsäläsen iskä alırğa cıyınmıy. Çönki namzätlärneñ berse dä cişeleş täqdim itmi, di alar. Çeçnyadağı xälgä Putin ğäyepleme digän sorawğa 42 yäşlek tabip, Olga xanım "yuq" dip cawap birä:
Audio (Olga)
28 yäşlek computer belgeçe, Sergei, bu mägnäsez suğışta ni öçen Rusiä yegetläre ülergä tieş - añlamıym, di:
Audio (Sergei)
Şuluq waqıtta Sergei da, bu suğış öçen prezidentı ğäyeplämi, anıñ fikerençä, monıñ artında oligarxlar tora.
Däwlät tarafınnan kontrol itelgän televidenie prezidentnı köçle, qulınnan eş kilgän şäxes itep kürsätä. 11 sintäberdän soñ Çeçnya suğışı xalıqara terrorğa qarşı köräşneñ ber öleşe itep taswirlana. Şuşı atna Madrid şartlawları da Rusiä televideniesendä kiñ yaqtıru taptı.
Ä Yelizaveta Maksimovna Puşkin mäydanına saylawlar ütkäç, kiläse atnakiç tä, annan soñ da kilergä cıyına. Küpme kiräk, şul xätle yöriäçäkmen, di ul.
Ali Gilmi, Praga