Accessibility links

шимбә, 10 декабрь 2016, Казан вакыты 02:22

Xalıqara Atom Energiä İdaräse İrannı tänqitlägän qarar qabul itte


Xalıqara Atom Energiä İdaräse bügen İrannı, atom programması turındağı mäglümätne yäşergäne öçen tänqitlägän qarar qabul itte. 35 äğza tarafınnan qabul itelgän qararda İrannıñ İdarä belän xezmättäşlek itüe tanıla, atom eşçänlegen tikşerügä yul açqan kileşüne imzalawı xuplana. Berük waqıtta, İranda uran bayıtu ezläre häm başqa yäşeren eşçänlek tabılu uñayınnan tänqit belderelä. İdarä wäkile Mark Gwozdecky süzlärençä, bu qarar tawışqa quıylmıyça ğına raslanğan. Yün ayında ütäçäk kiläse utırışqa qädär İdarä BMOnıñ İminlek Şurasına möräcägät itmäskä buldı.

İrannıñ Tışqı eşlär ministrlığı bu qararnı "propaganda" dip atap kire qaqtı. İran studentlarınıñ İSNA mäglümät agentlığı Ministrlıq wäkile Xämit Reza Asefi'nıñ "İran İdaräneñ yaña taläplären qabul itmiäçäk" digän süzlären kiterä. Kiçä İran räsmiläre Näwrüz bäyrämen säbäp itep, atom belgeçläreneñ İranğa kilüwen 6 atnağa kiçekterüen beldergän ide. Bügen İrannıñ İdarädäge wäkile Piruz Xösäyni, tikşerülär irtäräk tä başlanırğa mömkin dide, ämmä tögäl waqıtnı äytmäde.

XS
SM
MD
LG