Accessibility links

якшәмбе, 11 декабрь 2016, Казан вакыты 11:03

Madrid xöcümnären oyıştıruda ETA törkeme töp şiklänelüçe bulıp qala


İspan Eçke eşlär ministrı Angel Asebes, Basklarnıñ qorallı ETA törkeme atnakiç Madridta bulğan şartlawlarnı oyıştıruda töp şiklänelüçe bulıp qala, dip belderde. Berük waqıtta, Äl-Qaidäneñ qatnaşı turında yaña mäglümätlär bulmasa da, bu ez şulay uq tikşerelä, dide ul. Atnakiç Madridta bulğan şartlawlar näticäsendä 200 keşe xäläk buldı, meñ-yarımğa yaqını cäräxätlär aldı. ETA törkeme bu xöcümgä qatışı buluın kire qaqtı. Äl-Qaidä belän bäyle ber törkem cawaplılıqnı üz östenä alsa da, bu belderüneñ döreslege älegä raslanmağan. Bügen İspaniädä berençe qorbannarnı cirläw yolası ütte. Britan premier-ministrı Tony Blair İspaniägä bar dönya isemennän teläktäşlek belderde:

Audio (Tony Blair)

"Bez alarnıñ teläsä qaysı waqıtta, teläsä qaysı urında xöcümenä äzer bulırğa tieş. Läkin İspaniä, Britaniä, bar dönya isemennän şunı äytergä kiräk: qayğığa batsaq ta, bez qurquğa sabışmıybız. Terrorçılıqnı ciñü, yäşäw räweşeebzne saqlap qalu öçen bez närsä kiräk şunı eşliäçäkbez."

Madrid qorbannarı arasında 35 çit il keşese dä bar ide.

XS
SM
MD
LG