Accessibility links

пәнҗешәмбе, 8 декабрь 2016, Казан вакыты 19:22

Abaşidze Acarstanda fetnä äzerlänä dip kisätä


Gruziäneñ üzbilgelängän Acarstan töbäge başlığı Aslan Abaşidze, Gruziä Acarstanda fetnä äzerli dip belderde, häm Rusiädän, başqa kürşe illärdän yärdäm soradı. Bügen Mäskäwdä ütkän matbuğat oçraşuında Rusiä-taraflı Abaşidze, yaqın arada Gruziä räsmiläre Acarstanda "çäçäk inqilabı" äzerli, bu nisbättän anda opozitsiä köçlären cibärä, dip belderde.

Gruziä prezidentı Mixail Saakaşvili, bu töbäkne Tbilisi kontrolenä qaytaru telägen yäşermi. Berük waqıtta ul Abaşidzenı bärep töşerü niäte yuq, läkin Acar citäkçese Mart axırında ütäçäk saylawlarda opozitsiä köçlärenä ayaq çalmasqa tieş, dip belderde. Saakaşvili şulay uq, Mäskäw Gruziäneñ eçke eşenä tıqşınmas digän ışanıç belderde.

XS
SM
MD
LG