Gruziä prezidentı Mixail Saakaşvili bügen irtän üzbilgelängän Acarstan töbägenä kertelmägännän soñ, Gruziäneñ xärbi köçlären äzerlek xälenä kiterde. Däwlät televideniesendä çığış yasap, ul bu töbäkne üz kontrolenä qaytaru niäten qabatladı. Şulay uq Rusiäne bu qarşılıqqa tıqşınmasqa çaqırdı. Andıy xata - qazağa kiterä ala, dide ul. Ul çiratında Rusiäneñ Tışqı eşlär ministrlığı Tbilisine Acarstanğa qarşı köç qullanmasqa çaqırdı. Acarstanda Rusiäneñ xärbi nığıtması bar. Ğinwar ayında prezident bulıp saylanğan Saakaşvili, Acatstannı Tbilisi kontrolenä qaytarırğa wäğdä itkän ide. Acarstan citäkçese Aslan Abaşidze Mäskäw belän Washingtonğa möräcägät itep, mäsäläne xäl itüdä yärdäm soradı.
