Accessibility links

дүшәмбе, 5 декабрь 2016, Казан вакыты 05:22

İspanyadağı terror höcüme saylawlarda sotsialistlarnıñ ciñep çığuına kiterde


Rusiädä kiçäge saylawlar kötelgän näticä belän tämamlansa , İspanyada näk kiresençä buldı. Saylawlar xakimiättä utırğan konservativlarnı çitlätep , sotsialistlarğa ber dä kötelmägän ciñü kiterde.Monda älbättä atnakiçtä bulğan terror häcüme häm şunnan soñ xökümätneñ alıp barğan mäğlümät säyäsäte ispannarnıñ açuın çığardı dip äytergä kiräk . Madrid höcümeneñ artında möselman terrorçılarınıñ toruı ispatlansa , islam radikalläre könbatış demokratiäsendä saylaw näticälärenä täsir itte dip täfsillänä ala.

Atnakiçtäge bombalawdan ber niçä kön elek kenä ütkärelgän fiker beleşülär eleke premier Jose Maria Aznarnıñ konservativ popular partiäseneñ öçençe möddätkä kiläçägen kürsätä ide. Aznar ike möddät premierlektän soñ urınıñ Mariano Rajosqa qaldıraçağı bilgele ide.Ämma atnakiçtä Madrid insidentında 200keşeneñ häläk buluı 1.500keşeneñ yaralanuı , böten faraz, täxminnärne yuqqa çığarıp kötelmägän näticägä alıp bardı. Tawış birergä xoquqlılarnıñ 63%nıñ urnalarğa baruı höcümgä qarşı solidarlıqnı kürsätte. Xalıq tawışların parlamentta zur küpçelekkä iä konservativ Aznar partiäsenä tügel ä sotsialistlarğa birde..Sotsialist partiäse citäkçese Jose Luis Rodriguez Zapatero kiçä jurnalistlar belän oçraşu waqıtnda terror höcümnäreneñ saylawlarğa yasağan täsire turında spekulativ fikerlär beldermiçä genä bolay dip äytte (audio) Xökümät üzgäreşlärgä dialog, cawaplılıq häm ütä kürenmälek aşa ireşmäkçe.Xökümät berläşü, ahäñk häm solıx öçen eşliäçäk.Terrornıñ barlıq formalarına qarşı köräş minem öçen prioritet bulıp tora häm bu suğış öçen politik köçlärneñ berläşmäsen buldıru minem berençe inisiativam bulaçaq. Zapatero Madrid bombalauınıñ yäkşämbe könge saylawlarğa täsire turında fiker belderüdä saqlıq kürsätsä dä , İspan mätbuğatı älllä ni totılıp qalmadı. Küp kenä yazmalarda saylawçılar xökümätneñ terror höcümenä qarata alğan pozitsiäsenä açu belderde digän fiker beyam itä. Konservativ xökümät başta höcümne bask separatistları oyıştırdı dip belderep, möselman ekstermistlarınıñ eşçänlege bula ala digän fikerne kire qağırğa tırıştı.Ämma tabılğan dälillär şulsanda şimbädä 5 möselman ekstremistınıñ qulğa alınuı islamçı törkemnärgä işarä itä.El Mundo basması xökümät islamçılarnıñ rolen belä torıp kimetergä tırıştı , çönki ul İspanyanıñ Ğıraqtağı rolen köntärtibenä kiterer dip qurıqtı digän qaraş belderä.El Mundo yazuınça 11nçe mart höcüme saylawda zur rol uynağan, Protest belderüçelärneñ plakatlarındağı İspanya Ğıraq suğışınnan çigenergä tieş häm şartlawlar öçen kem cawaplı añlatığız digän taläplär popular partiäneñ yuğaltuına säbäp bulğan. İspanya xalqınıñ bik zur öleşeneñ Ğıraq suğışına qarşı buluına qaramstan , Aznarnıñ popular partiäse Waşingtonnı nıq yaqlap kilde.Sotsialistlar saylaw aldı kampaniäsendä Aznarnıñ AQŞ yaqlı säyäsätenä qarşılq kürsätep Madridnı Parij wä Berlin belän ber safqa quyarğa teläwen belderde. Alar şulayuq 30-nçe iy.üngä qädär ğıraqta BMOğa açıq anıq mandat birelmäsä 1.300ispan soldatı Ğıraqtan qaytarılaçaq dip belderde. Zapatero bügen dä radio çığışında xärbilär qaytarılçaq ämma ber genä qarar da politik kiñäşülär bulmıy qabul itelmiäçäk dide. Popular partiä citäkçse Rajoy yäkşämbedäge ciñelüne qabul itsä dä ul da Zapatero kebek säbäplärenä tuqtalmıyça ğına (audio) höcümnän soñ , ispan xalqınıñ saylawlarğa qatnaşuı demokratiäneñ çağılışı ide dip äytte Ämma Popular partiäneñ qayber yaqlawçıları İspanya kiläçäktä AQŞyaqlı säyäsät alıp barsa terror höcümnäre bulaçaq digän qurqu saylawçılarnıñ tawış birmäwenä säbäp buldı dip söylägän . Partiäneñ konservativ ber yaqlawçısı Reutergä (audio) här cirdä xalıqara problemağa äylängän terror kebek yaman närsägä ispannarnıñ qurqaqlarça cawap birüe mine borçıy dip beldergän.The Wall Street Journal in Europe isemle amerikan köndälege, , İspanyada politikadan küñel qaytu ,islamçılar öçen ciñü bula ala, ägär dä bombalaunı alar oyıştırğan bulsa dip yaza.Global küzlektän qarağanda Madrid insidentı islamçılarnıñ eşe dip isbatlansa , bu inde ektremist möselmannar möhim könbatış demokratiäsendä saylaw näticälärenä täsir itte dip täfsillänä ala

färidä xemit,praga .
XS
SM
MD
LG