Accessibility links

шимбә, 3 декабрь 2016, Казан вакыты 03:26

İspaniäneñ yaña citäkçese ispan xärbilären Ğiraqtan qaytarırğa wäğdä itte


İspaniäneñ yaña citäkçese Xose Luis Rodriges Sapatero, ispan xärbilären Ğiraqtan qaytarırğa wäğdä itte. Yäkşämbedä ütkän parlament saylawlarında Sapatero citäklägän Sotsialistlar partiäse kötmägändä ciñü yawladı. İspan radiosında çığış yasap Sapatero, Ğiraqtağı suğışnı "däwamlı qaza" dip atadı, Amerika belän Britaniäneñ Ğiraq säyäsätenä kisken tänqit belderde:

Audio (Xose Luis Rodriges Sapatero)

"Minem küp tapqır äytkänem buldı: Ğiraq suğışı zur qaza buldı, okupatsiä dä qaza bulıp qala. Ul östämä köç qullanu häm näfrättän başqa närsä kitermäde. Monnan sabaq alırğa kiräk"

Saylawlarğa berniçä kön qala Madridda bulğan şartlawlar näticäsendä 200 keşe xäläk buldı, meñ-yarımı yaralandı. Bu xöcümne kem oyıştırğanı älegä bilgesez. Ämmä Äl-Qaidäneñ Yevropadağı wäkile cawaplılıqnı üz östenä alğannan soñ, saylawçılarnıñ kübese bu şartlawlarnı İspaniäneñ Ğiraq suğışın xuplawı belän bäyläp tawış birde.

Sapatero, şulay uq Fransiä häm Germaniä belän mönäsäbätlärne tergezergä wäğdä itte. Bu mönäsäbätlär Ğiraq suğışı arqasında bozılğan ide. İspaniäneñ elekke citäkçese Jose Maria Aznar Buşnıñ Ğiraq suğışın xuplap çıqqan ide.

XS
SM
MD
LG