Accessibility links

шимбә, 10 декабрь 2016, Казан вакыты 02:14

AQŞ İspaniädäge üzgäreşlärgä qarata tınıç mönäsäbät kürsätä


G.Bush häm Ğıraq suğışın yevropada in nıq yaqlağan keşelärdän berse,hiç şiksez İspanyanıñ urınınnan kitkän premyer ministırı Jose Maria Aznar ide.Ütkän atnada Madridtä islamistlarnıñ qatnaşı bar dip şiklänelgän bomba höcümenä cawap itep ispanyalılar yaña xökümät sayladı . Bu xökümät Ğıraqtağı ispan xärbilären qaytaru häm tışqı säyäsättä Waşington suqmağınnan ayrılu belän yanıy. Waşington İspanyadağı waqıyğälärgä nindi mönäsäbät kürsätä? Bu waqıyğälär AQŞnıñ Ğıraqtağı eşçänlegenä niçek täsir itä ala?

Ber waqıtnı Madrid belän Waşington flamenko biyüçeläre kebek berbersenä yaqın torğan partnör idelär.Analitik Simon Serfaty äytüençä(audio) T.Blairnı küzdä totmağanda beräw dä Premyer Aznar kebek Prezident Bush häm Amerika säyäsätenä ışanmadı.Bu çın döres , tirän ışanu ide. Ämma dönyalar üzgärep tora.. Yäkşämbedä Sotsialistlar Aznarnıñ konservativ partiäsen ciñep xakimiätkä kilde.Yaña premyer Jose Luis Rodriguez Zapatero şunduq İspanyanıñ AQŞ yaqlı kursı üzgäräçäk dip işarä itte. Ul elegeräk saylaw aldı kampaniäsendä G.Bush häm Britaniä premyereneñ Ğıraq qoralları qurqınıçı turında yalğanlawların da äytkän ide. Zapatero(audio) min Ğıraq suğışınıñ zur faciğä buluın häm okupatsiä fäciğäseneñ däwam itüen küp märtäbälär äyttem. Suğış köç qullanu, näfrättän başqa ber nidä dä kitermäde . Monnan sabaq alırğa tieşbez. Zapatero İspanyanıñ tışqı säyäsäte suğışqa qarşı bulğan Fransiä häm Germaniägä taba yünäldereläçäk dip äytep , İminlek Şurası 30nçe iyüngä qädäre xärbilärneñ Ğıraqta toruına röxsät itkän rezolutsiä qabul itmäsä , ispan ğäskärilären qaytaru belän kisätte. Kiçä Waşingtonda räsmilär insidentnıñ ähämiäten keçeräytergä tırıştı.Aqyort belderüendä Bush Zapateroğa şaltıratıp, anı täbrikläde häm yaña xökümät belän eşliäçägen belderde dielä. Däwlät departamentı brifingindä süzçe Adam Ereli Zapatero terrorğa qarşı suğışnıñ ähämiätenä basım yasadı dip söyläsä dä ul jurnalistlarnıñ Aznarnı yuğaltu Waşingtonnıñ Ğıraq koalitsiäsenä orım yasadımı digän sorawların çitlätep ütte. Zapateronıñ ispan xärbilären qaytaru belän yañauına qarata isä Ereli (audio) Ğıraqtağı ispan xärbilärenä kilgändä närsä bulır kürerebz. Bu ğäskärilär öçen BMO mandatı kiräk dip äytelde. Bez andıy mandat 1511 nomerlı rezolutsiädä bar dip ışanabız. Bez ber yk waqıtta 30nçe iyündä suverenlekne tapşıru konteksında yaña rezolutsiä qabul itelüe mömkin dip äyttek dip söyläde. Ereli tınıç tonda söyläsä dä, anıñ bik açıq anıq cawabı Waşingtonnıñ Zapeteronıñ yaña kursına bik ciddi qarawın kürsätep tora. Waşingtonda Strategik häm Xalıqara Tikşerülär Üzägendä eşläwçe analitik Serfaty , BMO rezolutsiäse Zapateroğa xärbilärne Ğıraqtan çığarmaw mömkinçelegen birä disä dä, ul premyern süzlärenä zurıraq iqtibar birde. Ämma analitik öçen ,Zapateronıñ ispan tışqı säyäsäten Germaniä wä Fransiägä taba boru teläge tiränräk mäsälä bulıp tora ,çönki ,bu AQŞ politikasın zäğiflätä ala häm Yevropada Waşingtonnı yaqlaw säyäsöten saylağannarnı izolatsiädä qaldıra ala dip söyli. Serfaty äytüençä(audio) İspanya Yevropa Berlegendä üzenä nindider urın alırğa omtılsa yäki alsa , ul Polşa kebek illärne izolatsiädä qaldıraçaq häm ixtiarilärdän torğan koalitsiäne zäğiflätäçäk. Zapatero komentarlarına qarata Warşaw şunduq cawap qaytarıp AQŞnıñ Ğıraq säyäsäten yaqlarğa däwam itäçägen qabatladı..Polşa premyere Miller Ğıraqtağı 2400 poläk ğäskäriä qalaçaq, terror höcüme säbäple Polşanıñ Ğıraqtağı pozitsiäsen üzgärtü terrorçılarğa östenlek kenä birer ide dip belderde .Serfaty qaraşınça Waşingtonnıñ Ğıraq säyäsäten nıq yaqlağan Polşa,Britaniä İtaiä kebek illär üz cämäğätçelekläreneñ basımın xis itä ala , çönki şul il xalıqları ispannar kebek AQŞ säyäsätenä qarşı.Yevropa xalıqları Amerika säyäsätenä borçılu belän qarıy häm bu irtäme soñmı saylaw näticälärenä täsir itäçäk, bigräk tä islamçı terrorçılar koalitsion illärneñ bersenä häcüm oyıştırsa.

färidä xämit,praga
XS
SM
MD
LG