Accessibility links

пәнҗешәмбе, 8 декабрь 2016, Казан вакыты 15:11

Räsmi Tähran BMO tikşerüçelärenä 27 Martta İranğa kilergä röxsät birde


İrannıñ Yuğarı İminlek Şurası başlığı Xäsän Ruhani, BMOnıñ atom inspektorlarına İranğa kilü röxsäten rasladı. Bu turıda ul bügen Yaponiä başqalasında äytte. Ruhani süzlärençä, tikşerüçelär Martnıñ 27-sendä kilä ala, monıñ öçen İran yağı ber şart ta quymıy:

Audio (Xäsän Ruhani)

"Kilü waqıtı döres, Näwrüz bäyrämennän soñ berençe şimbä, Martnıñ 27-se. Şuşı könnän soñ inspektorlar İranğa telägän waqıtta kilä ala, bez monıñ öçen ber şart ta quymıybız."

Uzğan atnada BMOnıñ Atom energiä İdaräse İrannı, atom programmasın yäşergäne öçen ğäyeplägän qarar qabul itkännän soñ, Tähran, inspektorlarnıñ kilüwen kiçekterü turında beldergän ide. İdarä başlığı Möxämmät Äl-Baradei, axırsı İran räsmiläre, atom programmalarınıñ tınıç maqsatta ikänen dälilläw öçen, İdarä belän xezmättäşlek itüneñ – iñ döres yul ikänen añlağan, dip belderde.

XS
SM
MD
LG