Accessibility links

якшәмбе, 4 декабрь 2016, Казан вакыты 11:13

Tatarstan näşriäte Mäskäw kürgäzmäsendä qatnaştı


13 martta Kürgäzmä qısasında Mäskäw cämiğ mäçeteneñ administratsiä binasında Röstäm Şämsutovnıñ Qazan kitap näşriätendä rus telendä dönya kürgän “Slovo i obraz v tatarsqom şamaile” digän kitabın täqdir itü buldı.

Bu oçraşuğa xalıq bik küp kilgän ide. Alar tägdir itü başlanğançı, stenalarğa elengän küp sanlı şämaillär häm isem tuğraları belän tanıştılar. Şämaillär xaqındağı kitapnı täğdir itüdä rässämnär Näcip Näkqaş, Ruşan Şämsetdinov häm kitapnıñ avtorı, rässam Röstäm Şämsutov, şulay uq Tatarstan kitap näşriäte direktorı Damir Şakirov ta qatnaştı. Mäskäwdä ütkän kitap kürgäzmäse, yaña kitapnı tägdir itü, Häm küptän tügel genä Mäskäwdä açılğan tatar kitabı kibete xaqında sorap, Tatarstan kitap näşriäte direktorı Damir äfände Şakirovqa berniçä soraw belän möräcäğät ittem.

Ul bu kürgäzmäneñ maqsatı uquçılarğa yaqınayu, üzebezne tanışu dide. Mäskäwdä kitap kibetendä açılğan bülek äkrenläp eşläp kilä, bez alarnı yaña kitaplar belän täämin itep torabız dide ul.

Kilgän xalıqqa kitapnı avtor Rustäm Şamsutov täğdim itte. Şulay kürgäzmädä qatnaşqan rässämnär Näcip Näkqaş häm Ruşan Şämsetdinov şamaillär, alarnıñ tarixı, büğenge köndä bu sänğätneñ torışı turında söylädelär. Näcip Näkqaş üzeneñ çığışında, sovetlar çorında şämail sänğäte betü aldında bulğanın barı tik möxtäräm Baqi Urmançenıñ eşläre genä borınğı şämail sänğäte belän bügenge könne bäyläwdä ber küper buldı dip belderde. Şulay uq kürgäzmägä quyılğan eşlär belän tanıştırdı. Şulay kürgäzmägä kilüçelär Tatarstan prezidentı Mintimer Şäymiev häm Qazan merı Qamil İsxakovnıñ ğailä tuğraları belän tanıştılar.

Rässäm Näcip Näkqac kürgäzmä zalında uq buyaw, käğäz kälämnär belän qorallanıp, tiz arada ğına telägännnärgä tuğrasın da yazıp birde. Teläwçelär bik küp ide. Häm ul radio tıñlawçılarğa şamail sänğateneñ üzençälekle yaqları xaqında da söyläde.

Şulay itep Mäskäwdä ütkän kitap kürgäzmäse qısalarında şämaillär xaqındağı yaña kitapnı täqdir itü dä uzdı. Häm ul kitaplar satıldı da. Qayberäwlär kitaplarnı ğına tügel, rässämnärneñ şämaillären dä satıp aldılar.

Näzifä Kärimova, Mäskäw

XS
SM
MD
LG