Accessibility links

җомга, 2 декабрь 2016, Казан вакыты 21:14

Acarstan belän tuğan kierenkelekne yomışartu öçen Gruziä diplomatik aktivlıq alıp bara


Tbilisi belän anıñ aftonomiäle respubikası Acarstan arasında suverenlıq mäsäläse buyınça bäxäs dävam itä. Görcstan parlamentı räisäse Nino Burjanadze krizisnı yomışartu öçen bügen Batumigä kilde. Ä inde Görcstannıñ Milli İminlek Şurası sekretarı Vano Merabişvili Russiäne tınıçlandıru öçen Mäskävgä kilde.

Burjanadze 28-nçe Martta bulaçaq parlament saylaularınnan alda ike aradağı kierenkelekne yomışartu maqsäte belän Batumigä kilde. Anı İminlek Ministere Zurab Adeişvili ozata bara. Burjanadze Batumi oçqıçlar maydanına kilgäç jurnalistlar belän oçraşqana, Tbilisi problemanı tınıç yullar belän xäl qılmaqçı dip belderde.

Audio

"Vazğiät qatmarlı. Bezneñ töp maqsät kierenkelekne yomışartu. Bez problemalarnı tınıç yullar belän xäl qılırğa telibez. Görcstanda konstitutsiäne ğämälgä quyu häm böten ildä saylaularnı ütkärü öçen şartlar tudıru möhim."

Şuşı krizis prezident Saakaşvili regional citäkçelär xökümäteneñ aftoritetın qabul itsen öçen 15-nçe Martta Acarstanğa ekonomik blokada salğaç qabınıp kitte. Ber kön elegeräk isä Acarstan iminlek köçläre Saakaşviline Acarstanğa kertmädelär. Bu inde Putinne Tatarstanğa yäisä Başqortostanğa kertmäv belän ber. Saakaşvilinıñ ekonomik blokada salıunda üzen Acarstanğa kertmäv töp motiv buldı da. Saylaulardan alda Acarstanda vazğiät kierenke. Tbilisi Acarstannıñ xakimdarı cirle parlament räise Abaşidzegä qarşı oppozitsiä buldıru östendä eşli. Anıñ taraftarları belän Saakaşvili yaqlıylar arasında Batumida bäreleşlär buldı. Tbilisi Acarstan xökümäten Görce jurnalistlarına höcüm itüdä dä äyepli. Baş prokuror Okruaşvili Acarstannıñ altı iminlek köçläre xezmätkären, jurnalistlarnı häm militant oppozitsiäne ezärleklävdä ğäyepläp xökemgä tartaçağın belderde. Ul şulay uq Saakaşvilinenñ anda vizit yasauına yul quymağanı öçen Acarstannıñ Eçke Eşlär ministere Cemal Gagitidze häm başqa räsmi şäxeslärgä qarşı cinayät eşeneñ quzğatılaçağın da äytte.

Audio

"Yäkşämbe vaqiğäläre öçen tağı Acarstannıñ iminlek ministere Soso Gagitidze Eçke eşlär ministereneñ urınbasarı David Bukaradze häm Kobuleti administratsiäse başlığı Tariel Xalvaşi dä cavaplılar."

Acarstan xakimiätläre Okruaşvilineñ belderüen kire qaqtılar. Görçe xakimiätläre Acarstannıñ aftonomiäsen yuqqa çığarırğa yäisä Abaşidze rejimın köç belän bärep täşerergä telämävlären belderälär. Läkin, alar saylaular yulı belän Acar citäkçeseneñ xakimiättän kitüen xuplayaçaqların da yäşermilär. Saakaşvilinıñ ğinvar ayındağı prezident saylaularında , acar saylauçılarınıñ 95 protsentınıñ tauışın alğan buluın dağvä itkän Görçe xökümäte saylaular näticäsendä Abaşidze rejimı çitläteläçäk dip ışana. Acar resmiläre isä Saakaşvili populär tügel dip däğvä itälär. Qaysı yaqnıñ xaqlı buluı bilgesez. Läkn, Acar citäkçese xakimiäten saqlap qalu mäsäläsendä Russiä yardämenä tayana ala. Mäskäv märe Lujkov Abaşidzene yaqlauın kürsätü öçen Batumigä kilde, kierenkelek öçen Tbilisine ğäyepläde. Batumidä xärbi bazası bulğan Russiäneñ tışqı eşlär ministerlege uzğan atnadağı belderüendä Görcstan xökümäten Abaşidze rejimın bärep töşerergä tırışuda ğäyepläde. Tbilisi Mäskävne tınıçlandıru öçen bulsa kiräk. İminlek Şurası sekretarın Mäskävgä cibärde. Şuşı vizitlar niçek tämamlanır anısı älegä bilgesez. Läkin, barlıq problemmalar ber vizit belän xäl qılınır dip kötep bulmıy.

Färit İdelle, Praga.
XS
SM
MD
LG