Accessibility links

шимбә, 10 декабрь 2016, Казан вакыты 09:51

Udmurtiä şähäreneñ tatar gimnaziäse uquçısı Qazanda regionara olimpiadada qatnaştı


Tatar gimnaziäse açılıp, eşli başlawına äle altınçı yıl ğına kitte. Ämmä anda uqıtu häm tärbiä eşeneñ yünäleşe däres buluın dälillägän mäğlümatlar yış kilep tora. Gimnaziä uquçıları başta şähär külämendä uzdırılğan olimpiadalarda, yarışlarda qatnaşıp, başqalar arasında östenlek ala başladı.

Äle genä İjaw şähäreneñ Lenin rayonı uquçılarnıñ fänni konferensiäse bulıp uzdı. Gimnaziäneñ fänni berlegendä şöğellänüçe balalar älege konferensiädä tellärne çağıştıruğa bağışlanğan eşläre belän qatnaşıp, ciñüçelär isemlegenä kerde, alarnıñ eşläre şähär külämendäge konferensiägä häm vuzlarda bulaçaq seminarlarğa da täqdim itelde.

İñ zur şatlıqnı gimnaziägä unınçı sıynıf uquçısı Läysäniä Ğataullina kiterde. Läysäniä Qazanda regionara uzdırılğan tuğan tel häm ädäbiät buyınça olimpiadada qatnaştı. Ädäbiät buyınça yarışta Läysäniä durtençe urınnı yaulap qayttı. Qazanğa tatarlar yäşägän 19 regionnan uquçılar kilüen isäplägändä, uqıtu eşen küptän tügel başlağan gimnaziä öçen bu zur qazanış. Läysäniä üze olimpiada qatnaşuı, Qazanğa säyäxäte xaqında tübändäge fikerlären, xislären citkerde.

— audio —

Läysäniä kiläçäktä Qazanda uqırğa niäte bulu turında äytte. Anda filologiä fakul'tetın tämamlap, gimnaziägä qaytıp, üzenä belem birgän uqıtuçılar eşen däwam itärgä teläge qızçıqnıñ.

Xämidä Ğayfullina, «Azatlıq» radiosı, Udmurtiä.

XS
SM
MD
LG