Accessibility links

Кайнар хәбәр

BMO häm NATO Kosovo töbägendä tınıçlıq urnaştırırğa tırışa


Çärşämbedä Kosovoda etnik albannar belän serblar arasındağı bäreleşlärdä ike distädän artıq keşe häläk bulıp, 500läp keşe yaralanğannan soñ NATo citäkçelegendäge tınıçlıq ğäskäriläre häm BMO politsiäse täbäktä kontrol urnaştırırğa tırışa.Xabärlärgä qarağanda NATO Bosniadan Kosovoğa östämä köçlär cibärgän.. Belgradta da demonstrantlar xökümät Kosovodağı serblarnı yaqlaw öçen çaralar kürsen dip taläp itte.

NATO citäkçelegendäge totrıqlandıru köçläre SFOR süzçese Dave Sullivan Bosniadan 100çaması amerikan xärbiä bügen BMO qaramağındağı Serbiä täbäge Kosovoğa cibärelde dip belderde Kiçäge bäreleşlär sonğı 3yıldağı iñ yaman köç qullanu ide.İnsident çärşämbedä bülengän şähär Mitroviçede albannarnıñ protestları belän başlanıp kitte. Kürşe awılda serblar ber törkem alban malayları östenä etlär cibärgän ,etlärdän qaçqan malaylar çarasız qalıp İbar yılğasına sikergän alarnıñ ikese batıp ülgän,öçençese yuğalğan dip belderelä. Mitroviçede bu xabärne işetkän etnik albannar ike xalıqnı bülgän İbar küperenä yünälä..Politsiä häm KFOR xalıqnı küpergä kertmäs öçen yäş ağızğıç gaz häm rezin uqlar qullana ...atışular bula Köç qullanu şunduq Priştina, Pec, Gracanica häm ölkäneñ barlıq şähärlärenä cäyelä.Priştinada prezident İ.Rugova häm BMO admisstratorı Harri Holkeri kiçä urtaq mätbuğat konferensiäse ütkärep xalıqnı tınıçlanırğa çaqıra..Rugova ike yaqnı da konfrontatsiädän totılıp qalırğa çaqırdı. (audio) Min Mitrovica xalqın protestların tuqtatırğa wazğiätne sülpänäytergä çaqıram. Kierenkelek Kosovonın mänfäğätenä qarşı.Min Konfrontatsiä buldırmas öçen Caglavicada Serbiä watandaşların Priştina-Skopye yulın açarğa häm Veterniktä albannarnı çigenergä çaqıram,dide prezident Rugova Holkeri dä Kosovonıñ kiläçägen qurqınıç astına quymas öçen xalıqnı tınıçlıqqa çaqırdı.(audio) min mondıy mizgeldä xislärneñ kirenke buluın añlıym häm ber märtäbä tağı barlıq mäxallälärne tınıçlıqqa öndim. Kosovonın kiläçägen , Kosovoda totrıqlılıqnı qurqınıç astında qaldırğan insidentlarğa yul quymasqa çaqıram dip äytte BMO administratorı NATO süzçese Jamie Shea KFORnıñ töbäktä tärtip urnaştıru öçen här çaranı kürüen belderde. NATO general sekretarı Jaap de Hoop Scheffer KFOR berleklärenä yasalğan höcümne qabul itelmäslek dip bäyäläde. Yaralılar arasında BMO politsiäse häm NATO ğäskäriläre dä bar. Belgratta Serbiä premyere Voislav Kostunica kiçä kiç aşığıç kabinet çıyılışı ütkärde. Kostunica köç qullanunı tuqtatırğa çaqırıp Kosovo serbları yaxşıraq yaqlanırğa tieş dip belderde. Kostuniça bügenge waqıyğälär Kosovoda serblarğa territorial aftonomiä birelsä alarnıñ iminräk yäşiyäçägen kürsätte dide.Ul Kosovonı kantonnarğa bülü fikren yaqlıy. Ämma BMO moña qarşı. Süzneñ qısqası ölkäneñ statusı xäl qılınmağan. Belgratta demonstrantlar Konstunica çaqırularına qolaq salmadı, Kosovoda çirkäw häm manastırlar yandırıluğa cawap itep alar da başqaladağı tarixi mäçitkä ut törtte. Novi Sad häm Niş kebek şähärlärdä dä serb protstları turında xabär itelä.Niştä şulayuq mäçit yandırılğan. Bügen Brüsseldä NATO ilçeläre cıyılıp Kosovodağı köç qullanunı tikşerde häm anda Bosnia, Xorvatiädän östämä xärbilär cibärergä qarar birde. Kosovoda NATOnıñ 17meñnän artıq ğäskäriä tora. Britaniä saqlanu ministırığı da könbatış berektäşlegeneñ sorawına esasän bügen 750 xärbine töbäkkä cibäräcägen belderde.1999nçe yılda NATO Kosovonı bombalap Miloşeviçkä turılıqlı serb köçlären çığıp kitergä mäcbür itkännän soñ ölkä BMO qaramağında tora. Ämma ul äle dä Serbiä –Çernogoriäneñ ber öleşe. Xabärlärgä qarağanda Priştina yaqınında Obiliçtä bügen serbiä provaslav çirkäve şulayuq serblarnıñ yortları yandırılğan NATo Obiliçtä yäşäwçe 100 serbnı evakuatsiälägän. Töbäktä bäysezlek taläp itkän 2 million möselman alban arasında 100meñ serb yäşi.Kosovonıñ kiläçäge turındağı söyläşülärdän elek tağı ber märtäbä etnik näfrätneñ qalqıp çığuı, ike xalıq törkemeneñ tatulaşuı öçen küp waqıt kiräklegen kürsätte.

färidä xämit,praga
XS
SM
MD
LG