Görcstan 1991-nçe yılda bäysez bulğannan birle Acarstan kiñ aftonomiägä iä. Läkin, üzäk xakimiätlär Acarstan üzäkkä qarata üzeneñ finans häm başqa yöklämälären ütämi dip belderep kilä. Ber ük vaqıtta Abaşidze üzenä tanığan previligiälär öçen Şevardnadzene soñğı minutqa çaqlı yaqlap kilde. Tbilisi şuşı provinsiäse üstennän üz xakimiäteneñ urnaştırıluın teli. 28-nçe Martta Görcstanda parlamentqa saylaular ütkäreläçäk. Tbilisi Acarstandağı saylaular gadel häm irekle bulğan xäldä, Abaşidze xakimiättän çitläteläçäk dip ışana. Saakaşvili Batumiga vizitı aldınnan jurnalistlar belän oçraşqanda bolay dide.
Audio
"Vizitımnıñ maqsäte açıq. Berençedän kierenkelekne yomışartu bulsa ikençedän küp yıllardan birle xäl qılınmıyça torğan mäsälälärne çişü. Xäzerge vaqıtta iñ möhime bu- Acarstanda häm Görcstanıñ başqa töbäklärendä parlament saylaularınıñ normal ütüen buldıru, keşelärneñ irekle xäräkäten häm süz ireklegen tämin itü, jurnalistlarnıñ üz vazıyfaların irekle räveştä ütävlärenä ireşü, politik motivlar belän qulğa alınğannarnıñ irekkä çığarıluın tämin itü."
İke aradağı kierenkelek qorallı bäreleşlär çığu ixtimallığın tudırğan ide. Yevropa Berlege ike yaqnı da totnaqlıq kürsätergä çaqırğan belderü belän çıqtı. Elegeräk AQŞ ta şundıy uq çaqıru belän çıqqan ide. Ä inde Mäskäv Tbilisine qoallı köç qullanudan saq bulırğa kisätte. Läkin, Saakaşvili Gärcstanda tınıçlıqnı saqlap qalu häm problemmanı tınıç yullar belän xäl qılu taraftarı buluın beldersä dä, ber ük vaqıtta kiräk bulğan xäldä köç qullanudan totlıp tormayaçağın da belderde.
Audio
"Gärcstan regiondağı iñ yaxşı qorallı köçlärneñ bersenä iä. Här kem monı küz aldında totarğa tieş. Gärcstannıñ mänfäğätlären yaqlauğa kilgändä min çigenmiäçäkmen. Läkin, Görcstanda tınıçlıqnı saqlap qalu öçen dä här närsäne eşliäçäkmen."
Saakaşvili Gärcstanda äle populär bulsa da, anıñ xakimiät bazasınıñ nindi däräcädä köçle buluı bilgesez. Mondıy vazğiättä anıñ Russiä tarafınnan yaqlanğan Acarstan xakimdarı Abaşidzağa qarşı çığuı täväkkällek bulıp tora. İnde ul anda üz pozitsiäsen ütkärä alsa, aña korrupsiägä qarşı köräşü, iqtisadnı torğızu kebek ildäge problemmalarnı xäl qılu ciñeliäçäk. Läkin, äytkän maqsätenä ireşä almasa, bu Tbilisidä dä ana östämä problemmalar tudıraçaq. Ul şuşı missiäsendä uñışqa ireşte kebek. Öç säğätkä suzılğan söyläşülärdän soñ, Saakaşvili belän Abaşidze bergäläp uramğa çıqtılar. Saakaşvili Gärcstannıñ territorial büytenlegen torğızu Acarstannan başlayaçaq dip belderde. Berük vaqıtta Acarstan xakimiätläre, qanunsız qorallı büleklärne qoralsızlandıraçaq, xoquqsaqlau organarı häm Gärcstan prokuraturası xezmätkärläre , Acarstanda qulğa alınğan şäxeslärneñ eşen tikşeräçäk, politik eşçänlek öçen qulğa alınğannar irekkä çığarılaçaq. 28-nçe Martta Görcstan Parlamentına demokratik saylaularnıñ ütkärelüen dä cirle xakimiätlär tämin itäçäk.
Audio
Cavap itep Acarstanğa quyılğan ekonomik blokada häm sanksiälär bügen tön urtasında köçtän çığarılaçaq.
Audio
Saakaşvilineñ süzlärençä, ike arada mönäsäbätlärneñ kiskennäşüenä kitergän barlıq problemmalar tikşerelgän, älbättä, alarnıñ barısında şundıy qısqa vaqıtta xäl qılu mömkin tügel.
Audio
Söyläşülärneñ näticäsen qätği yomğaqlaur öçen anda ireşelgännärneñ niçek ğämälgä quyılaçağın kötärgä kiräk.
Färit İdelle, Praga.
Audio
"Vizitımnıñ maqsäte açıq. Berençedän kierenkelekne yomışartu bulsa ikençedän küp yıllardan birle xäl qılınmıyça torğan mäsälälärne çişü. Xäzerge vaqıtta iñ möhime bu- Acarstanda häm Görcstanıñ başqa töbäklärendä parlament saylaularınıñ normal ütüen buldıru, keşelärneñ irekle xäräkäten häm süz ireklegen tämin itü, jurnalistlarnıñ üz vazıyfaların irekle räveştä ütävlärenä ireşü, politik motivlar belän qulğa alınğannarnıñ irekkä çığarıluın tämin itü."
İke aradağı kierenkelek qorallı bäreleşlär çığu ixtimallığın tudırğan ide. Yevropa Berlege ike yaqnı da totnaqlıq kürsätergä çaqırğan belderü belän çıqtı. Elegeräk AQŞ ta şundıy uq çaqıru belän çıqqan ide. Ä inde Mäskäv Tbilisine qoallı köç qullanudan saq bulırğa kisätte. Läkin, Saakaşvili Gärcstanda tınıçlıqnı saqlap qalu häm problemmanı tınıç yullar belän xäl qılu taraftarı buluın beldersä dä, ber ük vaqıtta kiräk bulğan xäldä köç qullanudan totlıp tormayaçağın da belderde.
Audio
"Gärcstan regiondağı iñ yaxşı qorallı köçlärneñ bersenä iä. Här kem monı küz aldında totarğa tieş. Gärcstannıñ mänfäğätlären yaqlauğa kilgändä min çigenmiäçäkmen. Läkin, Görcstanda tınıçlıqnı saqlap qalu öçen dä här närsäne eşliäçäkmen."
Saakaşvili Gärcstanda äle populär bulsa da, anıñ xakimiät bazasınıñ nindi däräcädä köçle buluı bilgesez. Mondıy vazğiättä anıñ Russiä tarafınnan yaqlanğan Acarstan xakimdarı Abaşidzağa qarşı çığuı täväkkällek bulıp tora. İnde ul anda üz pozitsiäsen ütkärä alsa, aña korrupsiägä qarşı köräşü, iqtisadnı torğızu kebek ildäge problemmalarnı xäl qılu ciñeliäçäk. Läkin, äytkän maqsätenä ireşä almasa, bu Tbilisidä dä ana östämä problemmalar tudıraçaq. Ul şuşı missiäsendä uñışqa ireşte kebek. Öç säğätkä suzılğan söyläşülärdän soñ, Saakaşvili belän Abaşidze bergäläp uramğa çıqtılar. Saakaşvili Gärcstannıñ territorial büytenlegen torğızu Acarstannan başlayaçaq dip belderde. Berük vaqıtta Acarstan xakimiätläre, qanunsız qorallı büleklärne qoralsızlandıraçaq, xoquqsaqlau organarı häm Gärcstan prokuraturası xezmätkärläre , Acarstanda qulğa alınğan şäxeslärneñ eşen tikşeräçäk, politik eşçänlek öçen qulğa alınğannar irekkä çığarılaçaq. 28-nçe Martta Görcstan Parlamentına demokratik saylaularnıñ ütkärelüen dä cirle xakimiätlär tämin itäçäk.
Audio
Cavap itep Acarstanğa quyılğan ekonomik blokada häm sanksiälär bügen tön urtasında köçtän çığarılaçaq.
Audio
Saakaşvilineñ süzlärençä, ike arada mönäsäbätlärneñ kiskennäşüenä kitergän barlıq problemmalar tikşerelgän, älbättä, alarnıñ barısında şundıy qısqa vaqıtta xäl qılu mömkin tügel.
Audio
Söyläşülärneñ näticäsen qätği yomğaqlaur öçen anda ireşelgännärneñ niçek ğämälgä quyılaçağın kötärgä kiräk.
Färit İdelle, Praga.