Ğiraq ğısyançıları, yäğni andağı yaña xakimiatkä qarşı qorallı köräş alıp barğan köçlär suğış başlawnıñ ber yıllığın, ciñüçelärgä qarağanda aldanraq "bilgeläp" quyarğa buldı. Tönge şartlaw, räsmi xakimiatneñ pänceşämbegä uram tantanaları bilgelägän Firdäwes mäydanı yanında buldı, älege mäydan dönyağa elek anda torğan häm Bagdadqa amerikannar kergäç, alar tarafınnan tartıp töşerelgän Saddam häykäle belän tanılğan ide. Şunnan yıraq tügel genä, Ğiraqqa eş belän kilüçe çit il keşeläre torğan "Livan tawı" qunaqxanäse urnaşqan, döresräge urnaşqan ide. Pänceşämbegä qarşı töndä anıñ qarşında yartı tonna şartlatqıç tutırılğan maşinanı şartlatu qunaqxanä binasın tämam cimerep, kimendä 7 keşeneñ hälak buluına, küplärneñ törle däräcädä cäräxätlär aluına kiterde. Atnakiç köçle şartlaw ilneñ könyağındağı Basra şähären dä teträtte, anda da bomba quyılğan iske "Mercedes" maşinası qunaqxanä yanında şartlatıldı. Moñardan tış Baquba şähärendä Diyala telekanalı öçen eşläwçe Ğiraq xäbärçeläreneñ maşinasına ut açıldı, alarnıñ 3-ese şunda uq hälak buldı. Şulay itep, Ğiraq suğışı başlanuınıñ beryıllığın ildäge qarşılıq köçläre üz höcümnären arttıru häm alarnı berençe çiratta, Ğiraqnı torğızu eşlärendä qatnaşqan çit il keşelärenä häm yaña xakimiat belän xezmättäşlek itüçe ğiraqlılarğa yünältü belän bilgeläde. Soñğı könnärdäge xällär monıñ üzenä kürä ber tendensiägä äylänüen kürsätä. Sişämbedä Ğiraqta ber german häm ber hollandalı üterelgän ide, düşämbedä Mosulda, su çistartu qorılmasın tözärgä dip kilgän 5 amerikan missionerı atıp üterelde. Elegräk ğısyançılarnıñ höcümnäre Ğiraqnıñ yaña politsiäsendä eşläwçelärgä yünälderä ide, maydan birle ildä 350-läp şundıy keşe hälak buldı, şunıñ 100-e soñğı ayda ğına üterelde. Xäzer isä maqsat Ğiraqtağı yaña xakimiat belän eşläwçe çit il keşelären qurqıtuğa taba awışa ala. Bäseem Sadun amerikan humanitar oyışmasında eşli, häm soñğı höcümnär andağı çit il keşelärendä qurqu uyata dip belderä.
Audio, Bäseem Sadun
"Fanatiklarğa yä islamçılarğa, min höcümnärneñ kem tarafınnan eşlänüen belmim dä inde, höcüm itü öçen sezneñ başqalardan ayırılıp toruığız ğına da citä. Sez amerikannar belän eşlisezme, yuqmı, alar monı belmi dä, sez çit il keşese, häm alarğa başqa närsä kiräkmi, alar şunda uq höcüm yasıy" di Ğiraqta humanitar eş alıp barğan Bäseem Sadun. Anıñ süzlärenä qarağanda, andıy höcümnärneñ artuı çit il keşelären eşlise urınğa kübräk öylärendä biklänep utıruğa häm il buylap yörülären çikläwgä etärä. Londondağı saqlanu mäs''älälären tikşerüçe institut xezmätkäre Mostafa Alani ğomumän, soñğı höcümnär Ğiraqtağı ğısyançılarnıñ qarşılıq kürsätü säyäsäten üzgärtüen añlata dip isäpli.
Audio, Mostafa Alani
"Alar Ğiraqta amerikannarnı başqalardan ayırırğa teli. Maqsat - teläsä nindi oyışmağa, däwlätkä basım yasap alarnıñ Ğiraqtan kitüenä häm amerikannarnı ildä üzlären genä qaldıruğa ireşü" di Mostafa Alani. Şuşı fikereneñ döreslegen raslaw maqsatında ul bıltır Ğiraqta eşlägän Qızıl Xac häm Berläşkän Millätlärgä qarşı höcümnärne kiterä. Şul höcümnärdän soñ şuşı ike xalıqara oyışma çınnan da üzläreneñ Ğiraqtağı eşçänlegen yä tuqtatqan, yä kisken räweştä çiklägän ide.
Kärim Kamal, Praga
Audio, Bäseem Sadun
"Fanatiklarğa yä islamçılarğa, min höcümnärneñ kem tarafınnan eşlänüen belmim dä inde, höcüm itü öçen sezneñ başqalardan ayırılıp toruığız ğına da citä. Sez amerikannar belän eşlisezme, yuqmı, alar monı belmi dä, sez çit il keşese, häm alarğa başqa närsä kiräkmi, alar şunda uq höcüm yasıy" di Ğiraqta humanitar eş alıp barğan Bäseem Sadun. Anıñ süzlärenä qarağanda, andıy höcümnärneñ artuı çit il keşelären eşlise urınğa kübräk öylärendä biklänep utıruğa häm il buylap yörülären çikläwgä etärä. Londondağı saqlanu mäs''älälären tikşerüçe institut xezmätkäre Mostafa Alani ğomumän, soñğı höcümnär Ğiraqtağı ğısyançılarnıñ qarşılıq kürsätü säyäsäten üzgärtüen añlata dip isäpli.
Audio, Mostafa Alani
"Alar Ğiraqta amerikannarnı başqalardan ayırırğa teli. Maqsat - teläsä nindi oyışmağa, däwlätkä basım yasap alarnıñ Ğiraqtan kitüenä häm amerikannarnı ildä üzlären genä qaldıruğa ireşü" di Mostafa Alani. Şuşı fikereneñ döreslegen raslaw maqsatında ul bıltır Ğiraqta eşlägän Qızıl Xac häm Berläşkän Millätlärgä qarşı höcümnärne kiterä. Şul höcümnärdän soñ şuşı ike xalıqara oyışma çınnan da üzläreneñ Ğiraqtağı eşçänlegen yä tuqtatqan, yä kisken räweştä çiklägän ide.
Kärim Kamal, Praga