Accessibility links

якшәмбе, 11 декабрь 2016, Казан вакыты 11:05

Kosovoda bäreleşlärne tuqtatu öçen NATO östämä ğäskär cibärä


Kosovo töbägendä serblar belän albannar araısnda yaña bäreleşlär buldırmas öçen, NATO bu töbäkkä östämä ğäskär cibärä. Töbäktäge 17 meñ xärbigä tağın 750 Britan xärbie östälä. Kiçä serblar belän albannar arasında qupqan bäreleşlär näticäsendä 22 keşe xäläk buldı, 500-läbe yaralandı. Alayns citäkçeläre bu bäreleşlärgä kisken tänqit belderde, häm dä NATO xärbilärenä tärtip urnaştıru öçen köç qullanırğa röxsät birde. Rusiä Tışqı eşlär Ministrlığı Kosovodağı xällärgä şulay uq tänqit belderde, häm BMOnıñ İminlek Şurasında ğädätän-tış utırış ütkärergä çaqırdı. Bügenge çualışlar näticäsendä qorbannar turında älegä mäglümät yuq. Albannar Kosovska Mitrovica şähärendä serblarnıñ çirkäwenä häm Obilik awılında berniçä yortqa ut törtkän dip xäbär itelä.

XS
SM
MD
LG