Accessibility links

якшәмбе, 4 декабрь 2016, Казан вакыты 07:08

Bagdad qunaqxanäse yanında bulğan şartlaw näticäsendä 7 keşe ülgän


Ğiraqnıñ könyağında urnaşqan Basra şähärendä maşinağa quyılğan bomba şartlaw näticäsendä bügen tağın ike keşe xäläk buldı. Kiçä bomba quyılğan maşina Bagdadnıñ ber qunaqxanäse yanında şartlatılğan ide. Amerikan räsmiläre mäglümätenä qarağanda anda 7 keşe ülgän, 35-e yaralanğan. Ğiraqnıñ Eçke eşlär ministrı Nuri Badran isä 6 keşe ülgän, dip belderde:

Audio (Nuri Badran)

"Bu maşinağa quyılğan bombağa oşağan. Qorbannar sanı 6, şularnıñ berse Britan watandaşı, qalğan 5-e Ğiraqlılar. Yaralanuçılar sanı 40 çaması."

Amerikan generalı Mark Kimmit süzlärençä, bu şartlawğa bäyle räweştä älegä berkem dä qulğa alınmağan, läkin "bu intihar xöcümçe eşe" dide ul.

Bügen Bağdadta häm anıñ tönyağında bulğan xöcümnär näticäsendä 3 Ğiraq jurnalistı häm 2 Amerikan xärbie xäläk bulğan. Bagdadtan 50 çaqırım yıraqlıqta, Falluca şähärendä atışular bulğan. Kilgän xäbärgä qarağanda anda ber cirle keşe ülgän.

XS
SM
MD
LG