Accessibility links

якшәмбе, 4 декабрь 2016, Казан вакыты 00:55

BMOnıñ İminlek Şurası Kosovoda bäreleşlärne tuqtatırğa çaqırdı


Kosovoda küpçelek albannar belän azçılıq serblär arasında qabınıp kitkän bäreleşlär, biş yıl eçendä näfrät häm döşmanlıqnı beterep bulmaunı kürsätte. BMOnıñ Qurqınıçsızlıq Şurası etnikara köç qullanunı tuqtatırğa häm monıñ öçen cavaplılarnı tabarğa çaqırdı. Qurqınıçsızlıq Şurasınıñ belderüendä sebrlär belän albannar arasındağı bäreleşlär xökem itelgän.

Qurqınıçsızlıq Şurası bäreleşlärne xökem itü belän ber rättän Kosovodağı alban xakimiätläre barlıq etnik törkemnärneñ iminlegen tämin itärgä tieş dip tä belderde. BMOnıñ general sekretarı Kofi Annan totrıqlıq unaştıru öçen Kosovo albannarına ayırım möräcäğät belän çıqtı.

Audio

"Kosovo alban cämğiäte citäkçelärenä, iñ zur etnik törkem bularaq Kosovodağı barlıq xalıqlarnıñ , bigeräktä milli azçılıqlarnıñ xoquqların yaqlau öçen cavaplı buluların iskä töşerergä röxsät itegez."

Ciılışta qatnaşqan Germaniäneñ tışqı eşlär ministere Yoşka Fişer dä Kosovo citäkçelären millätara köç qullanunı tutqtarığa häm bu atnadağı cinayätlär öçen cavaplılarnı xökemgä tartırğa çaqırdı.

Audio

"Xäzer Kosovo albannarınıñ häm Kosovo serbläreneñ cavaplı citäklçelärenä Kosovo xalqı aldında anarxiägä qarşı demokratik qimmätlärne bergäläp yaqlauları öçen vaqıt citte. "

Qurqınıçsızlıq Şurasınıñ küpkenä ağzaları Kosovodağı BMOsı administatsiäseneñ biş yıllıq idaräse çorındağı iñ yaman köç qullanu vaqiğäse moña çaqlı ütkärelgän reformalarnı yuqqa çığara ala digän borçılu belderdelär. Bigeräktä albannar häm serblär yäşägän Mitrovica şähärendä vaziät bik kierenke buluı säbäple, BMOnıñ sivil xezmätkärläre annan evakuvatsiälängän. Annan başqa Kosovonıñ başqalası Prisştinadağı häm başqa mäxällärädge 100 serb politsiä häm KFOR köçläre tarafınnan evakuvatsiälängän. Qurqınıçsızlıq Şurasınıñ ciıluın sorağan Serbiä häm Çernogoriäneñ tışqı eşlär ministere Goran Svilanoviç Kosovoda xalıqara iminlek köçlären nığıtunı soradı. BMOsı missiäse könqadağında torğan mäsälälär, mäsäläsen unar meñlägän serbneñ Kosovoğa qaytuın buldıru öçen Belgrad belän Priştina arasında ezlekle dialog buldırırğa tırışa. BMOsı räsmi şäxeslärenneñ süzlärençä, azçılıqlarnıñ imin räveştä kire qaytuların buldırmıyça torıp, Kosovonıñ statutın xäl qılu mömkin tügel.

Färit İdelle, Praga.
XS
SM
MD
LG