Başqortstanda uzğan yılnıñ dekäber ayında ütkän prezident saylawlarnıñ qaytawazı haman da bulsa tınmıy. Elegräk tä xäbär itelüençä, saylawlar çorında Mortaza Räximov faydasına tügel, ä oppozisiädäge kandidatlar öçen eşlägän baytaq qına keşelärne ezärlekläw başlanğan ide. Gärçä, Mortaza Räximov saylawlarda üze ciñep çıqqannan soñ respublika İminlek sowetı utırışında yasağan çığışında oppozisiä namzätlären yaqlağan keşelärne ezärlekläw yul quyılğısız eş dip üze beldersä dä, Ufada da, başqa şähärlärdä häm rayonnarda da küp kenä keşelärneñ basımğa duçar buluı xaqında xäbärlär alınıp tora. Baytaq qına keşene eş urınnarınnan da buşatqannar. Şulay itep, urınnardağı türälär respublika prezidentınıñ kisätüen dä sanğa suqmıyça, haman da oppozisiä kandidatları tarafdarlarınnan üç aluın däwam itä. Säyäsi säbäplärdän wazifalarınnan buşatıluçılar arasında törle hönär iäläre – uqıtuçılar, gäzit redaktorı urınbasarları, sportçılar häm başqa hönär iäläre, xätta ber minister urınbasarı da bar. Respublikadağı tanılğan iqtisad belgeçe, fän doktorı Rinat Ğatawullin da milli häm säyäsi säbäplär arqasında eşennän çığarıldı. Ul soñğı yıllarda Başqortstannıñ Xalıqnı eş belän tämin itü häm sosíal yaqlaw ministerı urınbasarı wazifaların başqarğan ide. Xäzer menä niçä ay inde eşsez yöri ul.
Rinat Ğatawullin, üzeneñ häm başqa yazmıştaşlarınıñ xälenä cämäğätçelek iğtibarın cälep itü maqsatında, qayber çaralar başlarğa cıyınuın xäbär itte. Anıñ süzlärençä, Başqortstanda prezident saylawlarınnan soñ ezärleklänügä duçar buluçılar berläşä başlağan. Alar şuşı arada üzläreneñ berlektäge cıyınuın ütkärep, il prezidentı Vladimir Putinğa xat cibärmäkçe ikän. Ul cıyınğa respublika jurnalistların ğına tügel, ä Mäskäwneñ kiñ mäğlümat çaraları wäkillären dä çaqırırğa isäplilär.
Äye, basımğa duçar buluçılar Vladimir Putinğa xat cibärer cibärüen, läkin aña iğtibar itüçe bulır mikän, digän soraw tua. Çönki moñarçı da Başqortstan prezidentın saylawlar barışında respublikada xakimiatlar tarafınnan oyıştırılğan qırın eşlär xaqında il başlığına bixisap möräcäğätlär, xatlar cibärelsä dä, alar cawapsız qaldı. Bu yulı da şulay bulır kebek ul. «Ämma mondıy cıyınnı ütkärü barıber kiräk, – di Rinat Ğatawullin. – Başqortstan xakimiatlarınıñ nindi ısullar belän citäkçelek itüen il xaqimnäre dä, kiñ cämäğätçelek tä gel belep torsın».
Rinat Ğatawullin, üzeneñ häm başqa yazmıştaşlarınıñ xälenä cämäğätçelek iğtibarın cälep itü maqsatında, qayber çaralar başlarğa cıyınuın xäbär itte. Anıñ süzlärençä, Başqortstanda prezident saylawlarınnan soñ ezärleklänügä duçar buluçılar berläşä başlağan. Alar şuşı arada üzläreneñ berlektäge cıyınuın ütkärep, il prezidentı Vladimir Putinğa xat cibärmäkçe ikän. Ul cıyınğa respublika jurnalistların ğına tügel, ä Mäskäwneñ kiñ mäğlümat çaraları wäkillären dä çaqırırğa isäplilär.
Äye, basımğa duçar buluçılar Vladimir Putinğa xat cibärer cibärüen, läkin aña iğtibar itüçe bulır mikän, digän soraw tua. Çönki moñarçı da Başqortstan prezidentın saylawlar barışında respublikada xakimiatlar tarafınnan oyıştırılğan qırın eşlär xaqında il başlığına bixisap möräcäğätlär, xatlar cibärelsä dä, alar cawapsız qaldı. Bu yulı da şulay bulır kebek ul. «Ämma mondıy cıyınnı ütkärü barıber kiräk, – di Rinat Ğatawullin. – Başqortstan xakimiatlarınıñ nindi ısullar belän citäkçelek itüen il xaqimnäre dä, kiñ cämäğätçelek tä gel belep torsın».
