Accessibility links

чәршәмбе, 7 декабрь 2016, Казан вакыты 23:18

Sabantuynı Urayda da yaratalar


Bu atnada Rusiä töbäklärennän Qazanğa 100dän artıq millättäşlärebez cıyıldı. İnde xäbär itkänebezçä, alar monda tatar xalqınıñ milli bäyrämen – Sabantuynı ütkärü mäs’älälärenä bağışlanğan seminarda qatnaştı. Cıyılışta Rusiäneñ bar töbägennän diärlek wäkillärneñ qatnaşuı, älege bäyrämneñ xalıq arasında nindi däräcädä populyar buluın dälilli. Qayan ğına kilmägännär ide Sabantuy xaqında kiñäşläşergä, täcribä urtaqlaşırğa. Şular arasında yıraq Tömän ölkäseneñ Uray şähärennän Rida xanım Fäyzieva da bar ide. Comğa könne ul Azatlıq radiosınıñ Qazan byurosına da kerep çıqtı. Häm radiobıznıñ tıñlawçılarına üze qatnaşqan seminar xaqında fikerlären dä citkerde.

Bu bik qızıqlı häm kiräkle oçraşu buldı, min monda Rusiä töbäklärennän kilgän küp kenä millättäşlärebez belän tanışıp, alar belän aralaştım. Annan tış, 4 kön däwam itkän seminarda bez Sabantuynı ütkärü xaqında söyläştek, tatar cır häm biü sänğäte ürnäkläre belän tanıştıq, köräş buyınça belgeçlärne tıñladıq. Seminarda Sabantuy ul tatar xalqınıñ ğöref-ğädätlären saqlawçı bäyräm bulırğa tieş, ul ğadi konsert tamaşa ğına tügel, anda bäyrämgä kilgän här keşe üze qatnaşırğa tieş digän fikerlär yañğıradı. Xäzer inde härkem üzenä qaytıp, şuşı belgännäre nigezendä eş başlarğa ğına qala

İşetüegezçä, Rida xanım şuşı könnärdä Qazanda uzğan cıyılıştan bik uñay tä’sirlär alğan, şaqtıy närsä belgän, küplär belän aralaşqan. Bu seminar miña kiläçäktä Urayda millättäşlärebez belän tağın da äybäträk eşlärgä etärgeç buldı, dide ul. Häm üzeneñ plannarı belän dä urtaqlaştı. Alarnı başqaru öçen, Rida Fäyzieva fikerençä, qaydandır yärdäm kötep utırmıyça barı tik berläşep eşlärgä genä kiräk.

Gölnaz İlgizär

XS
SM
MD
LG