Accessibility links

җомга, 9 декабрь 2016, Казан вакыты 22:19

[ tatnet ] IKEA.ru tatarça söyläşä!



Bu atnada, IKEA kebek ere şved şirkäte, Qazanda da eşen başlap cibärde. Bu waqiğanıñ tatar internetına ber qağılışı da bulmas ide, äğär www.ikea.ru saytında tatarça tekstlar urnaştırılmağan bulsa. Şuşı şved şirkäte, tatarlarğa iğtibarlı, ul Qazandağı kibete turında mäğlümatlarnı birgändä, alarnı urıs häm ingliz telärendä genä tügel, tatar telendä da urnaştıra. Tatarstandağı İKEAnıñ saytında berençe itep, tatarça yazılğan şiğär küzgä taşlana: «Yañaça yäşi başlıybız!». Säxifädä Qol Şärif mäçete, Kreml räsemnäre dä kürenep kitä.
Yañalıqlar 3 teldä birelä digän idek. Läkin biredä dä, tatarça xäreflärneñ döres kürenmäw probleması bar, ämma monı da küz aldında totqan idäräçelär. Tatarça tekst şunda uq, başqa formatta birelä. Häm komputerda «Akrobat» programması quyılğan bulsa, sez, tatarça tekstnı ber problemasız uqıy alaçaqsız.

İkea.ru saytınıñ forum bülege dä qızıqlı. Anda tatar tele teması kütärelep ala. «Tovar turında mäğlümat tatar telendä dä bulamı?», -dip sorağan ber qullanuçı, ikençese beräw: «Millätçe sin!» dip, anıñ belän bäxäskä kerä häm «Nigä kiräk tatar tele?» digän temağa fikerläre belän urtaqlaşa.Ämma anıñ kebek kisken çığışlar bula torıp ta, İKEA cirle xalıqnıñ mänfäğätlärenä xörmäten kimetmi häm säxifäneñ tatarça bülegen yapmıy.

Ni qızğanıç, başqa ere şirkätlär mäsälän, «Ramstor» qullanuçılarnıñ tuğan tellärenä, alay uq iğtibarlı tügel.

Tatarstannıñ räsmi internet säxifäse www.tatar.ru yañarırğa cıyına
Tatarstan Prezidentınıñ tışqı elemtälär deportamentı internetta masxus bäyge başlap cibärü turında iğlan itte. Barlıq telägän keşelär, sayt idäräçeläre, dizayn belän şögellänüçelär, gadi qullançılar Tatarstannıñ räsmi saytın yasawda qatnaşa ala. Täqdimnär, kontsepsieler, proektlar, eşlänmälär bulsa da yarıy, oyıştıruçılar, barlıq xatlarnı da, iğtibar belän uqırğa wäğdä birä. www.tatar.ru kebek räsmi sayt belän bergä, Tatarstan Prezidentınıñ räsmi säxifäsen niçek itep üzgärtü turında da täqdimnär qabul itelä. Äyter süzegez bulsa, barlıq uy-fikerläregezne 7nçe aprelğä qädär dfa@kremlin.kazan.ru adresına yullıy alasız. Bäygedä ciñep çıqqan ideya avtorların büläklär kötä, ä dizayn ostaları säxifäne yañartu xoquqın alu öçen maxus bäygedä qatnaşa alaçaq. Xat cibärü öçen adresnı qabatlıym : dfa@kremlin.kazan.ru
Bikä Timerova, bike@azatliq.ru

XS
SM
MD
LG