Accessibility links

якшәмбе, 11 декабрь 2016, Казан вакыты 05:15

Ğäräp jurnalistları Powellnıñ matbuğat oçraşuın taşlap çığıp kitte


Quşma Ştatlar däwlät sekretare Colin Powell Bagdadta qısqa tuqtalış yasağannan soñ, bügen Küwäytkä kilde. Ğiraq suğışı başlanuğa 1 yıl tulu uñayınan ul Bagdadta amerikan xärbiläre belän oçraştı, häm matbuğat oçraşuı ütkärde. 2 Ğiraq jurnalistınıñ amerikan xärbiläre tarafınnan atıp üterelüenä protest belderep, 20-läp ğäräp jurnalistı bu matbuğat oçraşuın taşlap çığıp kitte. Dubai'da urnaşqan Äl-Arabiä televideniesenä eşlägän bu 2 jurnalist kiçä ber tikşerü qapqası yanında, üz maşinalarında atılğan. Amerikan xärbiläre, tikşerü qapqası aşa ütep barğan maşinağa ut açuların tanısa da, üterelgän jurnalistlar turındağı mäglümätne raslamadı. Powell xäzer bu xäl tikşerelä, dip belderde:

Audio (Colin Powell)

"Suğış, şartlaw, şunıñ işe närsälär bulğan urında yış qına qarañğı bula, xatalar, qazalar bulırğa mömkin. Älegä neçkäleklären belmim, läkin monıñ maxsus eşlänmägänenä şiğem yuq."

Şuşı matbuğat oçraşuında Powell, Ğiraqtan ğäskär çığarırğa äle irtä dip belderde. Aña İspan xärbiläreneñ Ğiraqtan kitü ixtimalı turında sorawlar birelde, Amerikanıñ Ğiraq suğışına qarata tänqit belderelde. Küwäyttän Powell Söğüd Ğäräpstanına kitä.

XS
SM
MD
LG