Accessibility links

Кайнар хәбәр

Kosovoda ike alban malayınıñ cänazası tınıç ütte


Bügen Kosovo başqalası Priştinadan 40 çaqrım yıraqlıqtağı Kabra awılında 2 alban malayı cirlände. Mäğlüm bulğança, alarnıñ üleme bu atnada töbäktä qabınğan qanlı nizaqnıñ säbäbe buldı. Cänazada meñlägän keşe qatnaştı. Awılda häm zirat tirälärendä NATO citäkçelegendäge ğaskärlär tärtip saqladı. İtalyan xärbi köçläre awılğa taba barğan barlıq yullarda tikşerü noqtaları urnaştırdı, awılnı şulay uq taw başınnan küzätte. Cänaza waqıtında köç qullanu oçraqları bulmadı. Bügen irtän Berläşkän Millätlär Oyışması politsiäseneñ matbuğat wäkile Derek Çappel, cänaza waqıtında tınıçlıq saqlanır, digän ömeten beldergän ide: "Ekstremistlar bu kümü yolasında da köç qullanmas dip ömetlänäbez. Keşelär cänazağa tieşle ixtiram birer, digän ömet bar" dide politsiä wäkile. Albannar belän serblar arasındağı bäreleşlär serblardan başlanğan dip xäbär itelä. Ber atna eçendä köç qullanuda 28 keşe hälak buldı, 600 keşe yaralandı häm 3 meñ 600 keşe öysez qaldı. Kosovoda 1999nçı yıldan birle bulğan Berläşkän Millätlär Oyışması wäkilläre – töbäktä demokratik häm küp millätle cämğiät tözü eşen däwam itäçäklären belderde.
XS
SM
MD
LG