Paqstan ğaskärläre Äfğanstan belän bulğan çik buyında Al-Qaida suğışçılarına qarşı zur xärbi çaranı däwam itä. Anda sişämbe könne başlanğan bäreleşlärdä berniçä distä keşe hälak buldı, alar arasında xärbi bulmağan 13 keşe dä bar, dip xäbär itelä. Qulğa alınğan 100 suğışçı arasında üzbäklär, çeçennar, ğaräplär häm cirle paştun qabiläläre wäkilläre bar dielä xäbärlärdä.
Ul arada bäreleşlär barğan töbäktäge cirle xalıq hälak buluçılarnıñ sanı yuğarı buluına borçılu belderä. Yulbaşçılar – atışlarnı tuqtatıp ülgännärne cirlärgä mömkinlek birüne sorap möräcäğät itkän. Paqstan xärbi köçlärennän moña älegä cawap bulmadı.
