Accessibility links

якшәмбе, 4 декабрь 2016, Казан вакыты 07:07

Paqstan – Äfğanstan çigendä Al-Qaida suğışçılarına qarşı xärbi çara däwam itä


Paqstannıñ Äfğanstan belän çik buyında tawlar arasında urnaşqan awıllarda ozın cir astı tunnelläre tabılğan dip xäbär itelä. Alarnıñ berse, 2 çaqrım ozınlıqtağısı ber öydän äfğan çige buyına qazılğan bulğan. Ul arada Paqstan xärbi köçläre häm xalıqara suğışçılar arasında yañadan bäreleşlär başlandı, dip xäbär itelä. Mäğlümat agentlıqları, şaxitlär süzen kiterep, tawlı rayonnarda qatı atışlar berniçä säğat däwam itte, dip xäbär itä. Paqstan ğaskärläre elegräk atışlarnı tuqtatıp toruları turında xäbär itkän ide. Bäreleşlärdä berniçä meñlek Paqstan xärbi köçlärenä 4-5 yöz qorallanğan suğışçı qarşı tora. Alar arasında Könyaq Waziristan provinsiäsendä Al-Qaeda suğışçıları da bar dip farazlana. Älegä qadär Paqstannıñ bu tawlı töbägendä Osama bin Ladennıñ iñ yaqın kiñäşçese, misırlı Ayman al-Zawahiri qaçıp yata, digän farazlar bar ide. Ämma Paqstan häm Äfğan räsmiläre ezlängän keşe – Osamanıñ tağın ber yaqın keşese – üzbäk Tahir Yuldaşev bulırğa mömkin, dip belderä. Bügen Paqstanğa Üzäk Aziä häm Yaqın Könçığıştağı Amerikan xärbi köçläre başlığı general John Abizaid kilde. Bu säfär turında aldan ber ni dä xäbär itelmägän bulğan. Paqstan ğaskärläreneñ wäkile, general-mayor Şawkät Sultan amerikan generalınıñ kilgänen rasladı, Abizaid Paqstan xärbi köçläre generalı Möhammäd Yusuf belän oçraşıp ildä Al Qaida suğışçılarına qarşı barğan xärbi çaralar turında söyläşülär uzdırdı, dip xäbär itte.

XS
SM
MD
LG