Amerika Quşma Ştatlarınıñ terrorğa qarşı köräş öçen cawaplı elekke töp räsmi wäkile Richard Clarke'nıñ George Bush 2001nçe yılnıñ sintäberendä bulğan höcümnärgä qadär bulğan terror qurqınıçların inqar itte digän ğayepläwlären bügen Aq Yortnıñ milli iminlek kiñäşçese Condoleezza Rice kire qaqtı. 30 yıl xökümättä eşlägän Richard Clarke, 11 sintäbr terror höcümnärennän soñ Bushqa Ğiraqnı ğayeplärgä ciñelleräk buldı, dip belderde. Bolarnıñ barısı xaqında Clarke üz kitabında yazıp çıqtı, kitap bügen satıla başladı, şulay uq bu xaqta kiçä CBS kanalınıñ "60 minut" isemle tapşıruında söyläde. "Prezident "terrorğa qarşı nindi zur eşlär başqardım" dip yañadan saylanırğa teläwe qotoçqıç. Ul barısın da inqar itte. Ul aylarça barısın da inqar itte, ul oçraqa bez bälki 11 sintäbrne buldırmas idek" dide Richard Clarke.
Terror höcümnären ike partiä wäkillärennän torğan maxsus komissiä tikşerä. Bu atnada Clarke alar aldında çığış yasıyaçaq.
