Accessibility links

пәнҗешәмбе, 8 декабрь 2016, Казан вакыты 03:15

AQŞ Yandarbievne üterüdä şiklänelgän rus agentlarınıñ qulğa alınuına öleş kertkän


AQŞ Çeçnäneñ elekke prezidentı Zakimxan Yandarbievne üterüdä ğäyeplängän Russiäneñ öç yäşeren agentın totu öçen Qatarğa texnik yardäm kürsätkän. Bu xaqta AQŞ dävlät sekretarı yardämçeseneñ urınbasarı Steven Pifer Mäskävdä çaqta Vremyä Novestigä birgän ängämäsendä äytkän.

AQŞ Dävlät sekretarınıñ Yevropa häm Yevroaziä mäsäläläre buyınça yardämçese Steven Piferneñ süzlärençä, Çeçnäneñ elekke prezidentlarınan Yandarbievne 13-nçe Fevraldä ütergännärne totu eşen Qatar üze xäl itkän. AQŞnıñ Mäskävädge lçelegeneñ süzçese nindi yardäm kürsätelde digän mäsälägä açıqlıq kertep, Yandarbiev üterelgännän soñ, AQŞ Qatarnıñ möräcäğätenä esasän Dogağa keçkenä ber törlem spetsialist cibärde häm ul törkem nindi şartlağıçnıñ qulanılğan buluın tikşerde dip belderde. İlçe monıñ ähämiäten kimetergä tırışıp, bez başqa illärneñ dä üteneçlärenä esasän andıy törkemnär cibärgäläp tordıq. Asılda şuşı belgeclär şikle şäxeslärneñ qulğa alınuında ällä nindi zur rol uynamadılar dip tä äytte. Pifer belän ütkärelägän qısqa ğına ängämä gazetanıñ urta bitendä urnaştırılğan häm AQŞnıñ Yadarbievne ütergän agentlarnı qulğa aluğa yardäm itkäne turiındağı öleş maqäläneñ azağında telgä alınğan bulsa da, bu mäsälä diqqätne üzenä cälep itte. Russiä tışqı eşlär ministerlege süzçese bez bu intervyu xaqında beläbez häm üz fikerebezne belderäçäkbez dip äytte. Dävlät Dumasınıñ Xalıqara mäsälälär komitetı başlığı Konstantin Kosaçyov , Russiä AQŞ häm bälkim Qatardan bu xaqta añlatma sorarğa tieşter dip belderde. Anıñ süzlärençä, şuşı terrorçını ezlägändä AQŞ yardäm kürsätmägän bulğan. Russiäneñ öç agentı 19-nçe fevraldä qulğa alındı , berse diplomatik passporta iä buluı säbäple irekkä çığarıldı. Russiäneñ elekke tışqı eşlär ministere İgor İvanov FSB agentları Dohağa terrorğa qarşı köräş öçen kiräk bulğan mäğlümät ciu öçen cibäreldelär dip iqrar itte . Läkin, alarnıñ Yanadrbievne üterü eşendä qatnaşqan buluların kire qaqtı, alarğa Russiägä qaytırğa rüxsät itelsen dip taläp itte. Amerikan gazetalarında basılıp çıqqan mäğlümätlärgä qarağanda qulğa alınğan agentlar Yandarbievne ütergän buluların iqrar itkännär. Russiä xakimiätläre qulğa alınğan agentlarınıñ irekkä çığarıluları öçen här törle basım çarasın qullana. 26-nçe fevraldä Mäskäv aşa Serbiägä oçarğa äzerlängän Qatarnıñ ike köräşçesen qulğa aldı. Alarda 7200 dolar tabılğan häm monı tamojnegä beldermägän bulğannar. Asılda köräşçelär Mäskävdän transit qına ütärgä telägännär. Qatar köräşçeläre älegäçä FSBnıñ Lefortovo türmäsendä totılalar. Kreml räsmi räveştä beldermäsä dä, şuşı köräşçelärne üz agentlarına almaştırırğa tırışa bulsa kiräk. Läkin, keçkenä Qatar patşalığı Russiäneñ basımına älegä birelmi.

Färit İdelle, Praga.
XS
SM
MD
LG