Accessibility links

җомга, 9 декабрь 2016, Казан вакыты 16:43

Şeyx Ä.Yassinnıñ üterelüe Yevropa Berlegeneñ Yaqın Könçığışta solıx wä totrıqlılıq urnaştıru planına orım yasadı


İzrael iminlek köçläreneñ kiçä Xämäsneñ ruxi citäkçese şeyx A.Yassinnı üterüe,Yevropa Berlegeneñ kiñräk yaqın könçığışta tınıçlıq, totrıqlılıq urnaştıru plannarına orım yasadı.Bu plannıñ uñışqa ireşüe,İzrael-Fälästin nizağın çişüdäge progress,şulayuq täbäktäge illärneñ uñay mönäsäbät kürsätüennän bağlı.Här ike ambitsiägä ireşü ölege mizgeldä bik qıyın bulıp kürenä.

Yevropa Berlege aylardan birle tönyaq Afrika häm yaqın könçığıştağı illär belän partnörlıq buldıru öçen tırışıp kilä .Bu ambitsiäle inisiativa, Waşingtonnıñ täräqi ittergän ayrım planğa cawap bulıp tora.Bu şulayuq Yevropa Berlegeneñ täbäktäge terrorçılarğa qarşı köräşendä töp element. Düşämbedä iğlan itelgän berlek dokumentında ,inisiativa ike töp bağanağa nigezlänä dip äytelgän. Berençese: bu eştä bäyläneşe bulğan illär belän kiñäşläşülär ütkärep Berlek planı turında teksta äytelgänçä ''xucalıq xisse''n barlıqqa kiterü häm İkençedän:ğäräb-izrael nizağın çişügä töp ähämiät birü.Yevropa Berlege räsmiläre qaraşınça, här törle yaqın könçığış inisiativasında eşkä qatnaşı bulğan xökümätlärneñ ışanıçın qazanu öçen bu zarur. Şeyx Axmäd Yassinnıñ üterelüe planğa orım yasadı. Ülem xabäre tışqı eşlär ministırlarnıñ kiçäge cıyının da külägäläde. Britaniä tışqı eşlär ministırı Jack Straw üterü ğäräb dönyasınıñ Berlek plannarına biräçäk cawabına täsir itär dip uylap totnaqlıq kürsätergä çaqırdı. Straw süzlärençä(audio) Üterü aqlanmıy, min şulayuq tışqı eşlär ministırları şurasındağı kollegalarım üterü säyäsätkä qarşı ide dip ışanabız.Bez ğäräb dönyasınıñ mömkin bulğan qädäre tınıçlıqnı saqlap qaluın telibez ,çönki Ğäräb dönyası häm ay azaığndağı Ğäräb Ligasınıñ sumitında möhim köntärtibe tora. Yevropa Berlegeneñ dokumentında, blok iyün sumitında inisiativanı räsmi räweştä qabul itkänçe , kiläse 3 ayda täbäktäge illär belän nıq kiñäşläşülär ütkäreläçäk dip äytelgän. Plan Mauritaniädän alıp Farsı Qultığına qädär illärne şulsanda Ğıraq belän İrannı da eçenä ala. Äfganstan belän Paqstan çittä qaldırılğan AQŞnıñ şunduyuq planında isä äytep kitkän 2il bar. Kiçä iğlan itelgän dokumentta , Yevropa Berlege, AQŞları, NATO häm BMO belän yaqın xezmättäşlek mäqsatın quya dielgän.Ämma anda AQŞnıñ äzerlägän şunduyuq inisiativağa quşılu kire qağıla. Berlek mömkin bulğan här eştä AQŞ belän bergäläp eşläwne küzdä totsa da ul üz strategiesen däwam itteräçäk dip yazılğan. Yevropa Berlegeneñ planında töbäk belän inde urnaştırılğan xezmättäşlekne arttıruğa ayruça basım yasala. Berlek räsmiläre ütkändä Amerika, Berlekneñ regionda barğan eşçänlegen citärlek tanımıy dip şiqäyät itä ide.Plan, terrorğa qarşı köräş yarlılıq wä izoltasiägä qarşı çaralar belän bergä alıp barılırğa tieş digän Yevropa Berlegendä kiñ cäyelgän qaraşnı çağıldıra. Bu inde möselman dönyasında eşsezlekkä qarşı köräş häm iqtisadi xällärne yaxşırtuğa töp ähämiät bireläçägen añlata . Dokumentta säyäsi,iqtisadi, sotsial reformalar zarur dip äytelsä dä, bu reformalar äytep kitkän cämğiätlär tarafınnan başlatılırğa tieş dielgän Töbäk xalqınıñ yartısınnan kübrägeneñ 18yäştän yäşräk buluı telgän alınıp, bu yäşlärneñ cämğiättä uñışqa ireşüe öçen politik stabillıq bulırğa tieş dip östelgän.Demokratiägä taba progres, keşe xoquqlarına xörmät belän bergä terror häm küpläp üterü qoralların cäyeldermäwgä qarşı aktivlıq kürsätü teläge mönäsäbätlär öçen töp şartlar bulıp tora dip äytelgän Yevropa Berlegeneñ düşämbedä iğlan itelgän dokumentında

färidä xämit,praga
XS
SM
MD
LG